12 იანვარს, პრემიერლიგის 22-ე ტურში "მანჩესტერ სიტიმ" სტუმრად 6:1 დაამარცხა "ასტონ ვილა".
სერხიო აგუერომ ჰეთ-თრიქი შეასრულა და საგოლე გადაცემა გააკეთა. სერხიომ პრემიერლიგაში 21-ე ჰეთ-თრიქი შეასრულა და ალან შირერის რეკორდი დაამხო. მან პრემიერლიგაში 177-ე გოლი გაიტანა, ტიერი ანრის გაასწრო და ლეგიონერებს შორის ბომბარდირი გახდა.
რიად მარეზმა დუბლი შეასრულა და საგოლე გადაცემა გააკეთა.
დავიდ სილვამ ჩემპიონატში 90-ე საგოლე გადაცემა გააკეთა და ამ მაჩვენებლით მე-7 ადგილზეა.
კევინ დე ბრიუნემ ამ სეზონში ჩემპიონატში 7 გოლი და 15 საგოლე გადაცემა მიითვალა, რაც საუკეთესო შედეგია.
"სიტი" 47 ქულით მეორე ადგილზეა, ლიდერ "ლივერპულს", რომელსაც 1 მატჩით ნაკლები აქვს ჩატარებული, 14 ქულით ჩამორჩება და 18 იანვარს "კრისტალ პალასს" უმასპინძლებს.
ბირმინგემი. "ვილა პარკი". 41 823 მაყურებელი
ასტონ ვილა - მანჩესტერ სიტი 1:6
გოლები: 0:1 მარეზი (18), 0:2 მარეზი (24), 0:3 აგუერო (28), 0:4 გაბრიელ ჟეზუსი (45+1), 0:5 აგუერო (57), 0:6 აგუერო (81), 1:6 ელ გაზი (90+1, პენ)
![სამწვრთნელო კარიერაში პირველად, გვარდიოლამ ზედიზედ 4 მატჩი წააგო - "სიტი" ამჯერად "ბრაიტონთან" დამარცხდა [VIDEO]](/pictures/image7/4f97acd2aa383f7fd5d797e97e61fe01.jpg "სამწვრთნელო კარიერაში პირველად, გვარდიოლამ ზედიზედ 4 მატჩი წააგო - \"სიტი\" ამჯერად \"ბრაიტონთან\" დამარცხდა [VIDEO]")
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
