მე-13 წუთზე მასპინძელთა კართან კუთხურის ჩაწოდებისას ფრედმა დე ხეას ფეხზე დააბიჯა, მეკარე წაიქცა და შორიდან ცარიელ კარში გოლის გატანით სტუმრები სმირტ-როუმ დააწინაურა. ამის შემდეგ ბრუნო ფერნანდეშმა ანგარიში გაათანაბრა, ხოლო რონალდომ „იუნაიტედი“ წინ გაიყვანა. 54-ე წუთზე ედეგორმა აღადგინა თანაფარდობა, 70-ე წუთზე კი ედეგორმა საკუთარ საჯარიმოში ფრედი წააქცია და კრიშტიანომ პენალტით თავის გუნდს ლამაზი გამარჯვება მოუპოვა.
- ბომბარდირთა ბომბარდირმა რონალდომ კარიერაში მე-800 და 801-ე გოლები გაიტანა, რაც რეკორდია. ამ სეზონში პორტუგალიელის ანგარიშზე ყველა ტურნირზე 16 მატჩში 12 გოლია.
- ფერნანდეშმა „მანჩესტერში“ 100 შეხვედრაში 44 გოლი გაიტანა და 34 საგოლე გადაცემა გააკეთა - იმ პერიოდში, რაც ინგლისში თამაშობს, ეს საუკეთესო შედეგია.
- „მანჩესტერი“ დროებითმა მწვრთნელმა მაიკ კერიკმა დატოვა, რომელიც რალფ რანგნიკის შტაბში არ იმუშავებს. ის 15 წელი იყო ამ გუნდში - ჯერ როგორც ფეხბურთელი, მერე კი, როგორც მწვრთნელის თანაშემწე.
„არსენალი“ 23 ქულით მეხუთე ადგილზეა, ხოლო „მანჩესტერი“ 21 ქულით - მეშვიდეზე.
მანჩესტერი. „ოლდ ტრაფორდი“. 73 123 მაყურებელი
მანჩესტერი - არსენალი 3:2
გოლები: 0:1 სმიტ-როუ (13), 1:1 ბრუნო ფერნანდეში (44), 2:1 რონალდო (52), 2:2 ედეგორი (54), 3:2 რონალდო (70, პენ)
![alt](/pictures/image50/3ce1d5cdfbf6704ea89072df13a66fd3.jpg ""მანჩესტერისა" და რონალდოს ღირსეული პასუხი "არსენალის" უტიფრობაზე [VIDEO]")
"იუნაიტედის" ახალმა მწვრთნელმა შესაძლოა რონალდოს სუპერმანქანებით სიარული აუკრძალოს
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
