Fichajes-ის ინფორმაციით, 35 წლის ფორვარდი ლუის სუარესი შესაძლოა, პრემიერლიგაში დაბრუნდეს. ურუგვაელი ვეტერანის დამატების ინტერესს "ასტონ ვილა" იჩენს, რომლის მწვრთნელიც "ლივერპულში" ლუისის ყოფილი თანაგუნდელი, ლეგენდარული სტივენ ჯერარდი გახლავთ. ბირმინგემელებისთვის გამოცდილი შემტევის დამატება ადვილი არ იქნება, რადგან მათ კონკურენცია ისეთ გუნდებთან მოუწევთ, როგორებიც "ინტერი" და "სევილიაა".
მოგეხსენებათ, სუარესი "ატლეტიკოს" ზაფხულში დატოვებს და თავისუფალი აგენტი გახდება. ის "ვანდა მეტროპოლიტანოზე" "როხიბლანკოს" ფანებს საკმაოდ ემოციურად დაემშვიდობა, რადგან მან ბოლო საშინაო მატჩი უკვე ჩაატარა.
