გუშინ "ლონდონ სთედიუმზე", პრემიერლიგის პირველ ტურში, "მანჩესტერ სიტი" "ვესტ ჰემს" ესტუმრა და 2:0 დაამარცხა.
ნორვეგიელმა ერლინ ჰოლანმა სადებიუტო მატჩში დუბლი შეასრულა და "ქალაქელების" გამარჯვებაში დიდი წვლილი შეიტანა. 35-ე წუთზე ბენ ჯონსონს ბრწყინვალედ დაუსხლტა და პენალტი გამოიმუშავა, რომელიც გოლად თავადვე აქცია. მეორე გოლი კი კევინ დე ბრუინის იდეალურ გადაცემას მოჰყვა - ბელგიელმა ერლინს მოედნის ცენტრიდან ულამაზესი გადაცემა გაუკეთა და ნორვეგიელმა მომენტი ოსტატურად დაასრულა.
"მანჩესტერ სიტი" მომდევნო ტურში საშინაო კედლებში "ბორნმუთს" დაუპირისპირდება, "ვესტ ჰემი" კი "ნოტინგემ ფორესტს" ესტუმრება.
