ინგლისის პრემიერლიგაში მე-7 ტურის გადადებული შეხვედრა გაიმართა, რომელშიც "ნიუკასლ იუნაიტედმა" "ვესთ ჰემი" სტუმრად 5:1 დაამარცხა.
მე-13 წუთისთვის "კაჭკაჭები" ორბურთიანი უპირატესობით იგებდა. გოლები კალუმ ვილსონმა (6) და ჟოელინტონმა (13) გაიტანეს, ტაიმის მიწურულს კურტ ზუმამ (40) ანგარიში შეამცირა.
მეორე ნახევარში კალუმ ვილსონმა (46) სხვაობა ისევ ორბურთიანი გახადა. თამაშის ბოლოს ალექსანდრ ისაკმა (82) და ჟოელინტონმა (90) "ჩაქუჩებს" კიდევ 2 გოლი გაუტანეს და მნიშვნელოვანი გამარჯვებაც ჩაიწერეს.
28 ტურისა და ზედიზედ მეოთხე მოგების შემდეგ "ნიუკასლი" 53 ქულით მე-3 ადგილს იკავებს, 8 აპრილს კი "ბრენტფორდს" ესტუმრება.
"ვესთ ჰემი" 27 ქულით მე-15 პოზიციაზეა, იმავე 8 აპრილს "ფულემს" დაუპირისპირდება.
![ერთმანეთზე ლამაზი გოლები - "ჩელსიმ" "ნიუკასლი" მძიმე ბრძოლაში დაამარცხა [VIDEO]](/pictures/image7/0b85ca49f96cf2b9e075af038016bc14.jpg "ერთმანეთზე ლამაზი გოლები - \"ჩელსიმ\" \"ნიუკასლი\" მძიმე ბრძოლაში დაამარცხა [VIDEO]")
