"ლაციომ" "ესპანიოლისგან" 2,5 მილიონ ევროდ თავდამსხმელი ფელიპე კაისედო იყიდა.თავის დროზე, ეკვადორის ნაკრების ერთ-ერთი ლიდერი "მანჩესტერ სიტის" ღირსებასაც იცავდა. 2014 წლიდან მან ღუზა კატალონიაში ჩაუშვა და "ესპანიოლის" მაისურით, სამი სეზონის განმავლობაში, 24 გოლი შეაგდო.
"ჩემთვის ძალიან მნიშვნელოვანია იმ გუნდში გადასვლა, რომელიც მუდამ მაღალი მიზნებისთვის იბრძვის და რომელსაც ჰყავს ასეთი კარგი შემადგენლობა, დიდებული ქომაგები... ვეცდები, მის წარმატებაში წვლილი მეც შევიტანო", - განაცხადა კაისედომ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
