დიდი ალბათობით, სერია A-ს დაწყების თარიღი გადაიწევს

AutoSharing Option
დიდი ალბათობით, იტალიის სერია A-ს დაწყების თარიღი გადაიწევს. ამის შესახებ ინფორმაციას RMC Sport-ი ავრცელებს.

როგორც იცით, ქალაქ გენუაში ხიდი ჩამოინგრა, რის შედეგადაც, უკანასკნელი ცნობებით, 39 ადამიანი გარდაიცვალა.

თავდაპირველი ინფორმაციით, კალჩოს პირველ ტურში გენუურ კლუბებს, "სამპდორიასა" და "ჯენოას" არ უნდა ეთამაშათ.

ამის შესახებ გუშინ "სამპდორიას" პრეზიდენტმა მასიმო ფერერომ ისაუბრა, რომელმაც თქვა, რომ პირველი ტურის ერთი კვირით გადაწევის მომხრე ტურინის "იუვენტუსის" პრეზიდენტი ანდრე ანიელიცაა.

ფერერომ აღნიშნა, რომ ის სხვა კლუბების პრეზიდენტებსაც ესაუბრება, რათა ჩემპიონატის თარიღის გადაწევაზე დაიყოლიოს.

შეგახსენებთ, რომ იტალიის სერია A
ხვალ, ვერონაში, "კიევოსა" და "იუვენტუსის" შეხვედრით უნდა გახსნილიყო.

altსერია A-ს პირველი ტურის შეხვედრა "მილანსა" და "ჯენოას" შორის შესაძლოა გადაიდოს

altეს დაუჯერებელია, მაგრამ ნაკაწრიც კი არა მაქვს - დავიდე კაპელო მანქანით ხიდიდან გადავარდა

მკითხველის კომენტარები / 0 /
კომენტარი ჯერ არ გაკეთებულა.

ასევე დაგაინტერესებთ
სიახლეები პოპულარული