სერია A-ს 36-ე ტურში "იუვენტუსმა" ტურინში "სამპდორია" 2:0 დაამარცხა და ტურნირის დასრულებამდე 2 ტურით ადრე გახდა ჩემპიონი.
"ბიანკონერიმ" ზედიზედ მეცხრედ მოიპოვა სკუდეტო (ეს ტოპ 5 ლიგების რეკორდია), სულ კი 36-ედ გახდა ჩემპიონი.
"იუვეს" გასულ ტურშიც შეეძლო ვადამდე მოეპოვებინა ოქროს მედლები, მაგრამ "უდინეზესთან" ბოლო წუთზე გაუშვა გოლი და 1:2 დამარცხდა.
გასული 5 მატჩიდან "ბებერმა ქალბტონმა" მხოლოდ 1 მოიგო, ხოლო "სამპდორიამ" უკანასკნელი 5 შეხვედრიდან 2-ჯერ სძლია.
პირველ ტაიმში ტრავმები მიიღეს "იუვენტუსის" ფეხბურთელებმა დანილომ და დიბალამ და შეცვალეს, 45+7-ე წუთზე კი რონალდომ ანგარიში გახსნა, 68-ე წუთზე ბერნარდესკიმ მეორედ დალაშქრა გენუელთა კარი და გამარჯვებულის ვინაობაც გამოვლინდა. 77-ე წუთზე მსაჯმა პიანიჩთან უხეშობისათვის სტუმართა ნორვეგიელი ნახევარმცველი ტორსბიუ გააძევა, თუმცა ამას უკვე არსებითი მნიშვნელობა არ ჰქონდა. 89-ე წუთზე კრიშტიანოს დუბლის შესრულება შეეძლო, მაგრამ პენალტიდან ბურთი ხარიხას გაარტყა.
რონალდომ სეზონის რესტარტის შემდეგ 10 გოლი გაიტანა - ყველაზე მეტი ევროპის ტოპ 5 ლიგაში. მის ანგარიშზე იტალიის მიმდინარე ჩემპიონატზე 31 გოლია, რომელთაგან 12 თერთმეტმეტრიანით გაიტანა. მან კარიერაში 31-ე ტურნირი მოიგო - მესამე "იუვენტუსში".
61 წლის სარი სკუდეტოს მომპოვებელი ყველაზე ასაკოვანი მწვრთნელი გახდა.
![alt](/pictures/image50/6da84bfff78589463f15e9e537dab1f5.png ""იუვენტუსმა" ზედიზედ მეცხრედ მოიპოვა სკუდეტო - რონალდოს გოლი და გაცუდებული პენალტი [VIDEO]")
მოზეიმე ფეხბურთელებმა სარის საპნის ქაფი დააცალეს
![ჩემპიონთა ლიგა. IV ტური: კიტეიშვილის "შტურმის" დასანანი მარცხი "დორტმუნდთან" - "რეალის" და "სიტის" სენსაციური წაგებები [VIDEO]](/pictures/image7/fdb2c62b69f1859b04419590737b7120.jpg "ჩემპიონთა ლიგა. IV ტური: კიტეიშვილის \"შტურმის\" დასანანი მარცხი \"დორტმუნდთან\" - \"რეალის\" და \"სიტის\" სენსაციური წაგებები [VIDEO]")
![ჩემპიონთა ლიგა. III ტური: "რეალის" დიდებული ქამბექი და ქართველების გუნდების მორიგი წაგებები [VIDEO]](/pictures/image7/85f031dd491ca88e3b38145aab7d675a.jpeg "ჩემპიონთა ლიგა. III ტური: \"რეალის\" დიდებული ქამბექი და ქართველების გუნდების მორიგი წაგებები [VIDEO]")
