სერია A-ს 35-ე ტურში "მილანმა" "ფიორენტინას" უმასპინძლა და 1:0 დაამარცხა.
უგოლო პირველი ტაიმის შემდეგ, მე-2 ნახევარში, "როსონერი" გააქტიურდა, ერთადერთი გოლი კი რაფაელ ლეაომ 82-ე წუთზე გაიტანა.
მოპოვებული 3 ქულის შემდეგ "მილანი" 77 ქულით 1-ელ ადგილს იკავებს, 8 მაისს კი ვერონის "ჰელას" ესტუმრება.
თავის მხრივ, "ფიორენტინას" 56 ქულა აქვს და ევროტურნირებისთვის იბრძვის. "იების" წინ "59 ქულით "ლაციოა", ვინჩენცო იტალიანოს გუნდი 9 მაისს "რომას" უმასპინძლებს.
"ინტერი" "უდინეზეს" ესტუმრა და 2:1 გაიმარჯვა.
სტუმრებმა პირველი ტაიმი ივან პერიშიჩისა (12) და
ლაუტარო მარტინესის (39) გოლებით მოიგეს. მასპინძლებმა ერთადერთი გოლი 72-ე წუთზე გაიტანეს, თავი იგნასიო პუსეტომ გამოიჩინა.
"ნერაძურიმ" 35 ტურის შემდეგ 75 ქულა დააგროვა, თანაქალაქელებს 2 ქულით ჩამორჩება, სერია A-ს დასრულებამდე კი 3 ტურია დარჩენილი. მოქმედი ჩემპიონებისთვის ვითარება რთული და დაძაბულია.
"ინტერი" მომდევნო შეხვედრას 6 მაისს, "ემპოლის" წინააღმდეგ ჩაატარებს.
![alt](/pictures/image50/30f2261200fe0fd412e15aa38e399aa4.jpg ""მილანი" ნანატრ სკუდეტოს ნაბიჯ-ნაბიჯ უახლოვდება [VIDEO]")
"ინტერმა" "მილანი" 3:0 დაამარცხა და ფინალში გავიდა [VIDEO]
