ავტორიტეტული იტალიელი ჟურნალისტი ფაბრიციო რომანო იუწყება, რომ "სელტას" ნახევარმცველი გაბრი ვეიგა კარიერას "ალ აჰლიში" გააგრძელებს. ერთი ხანობა მისი "ნაპოლიში" გადაბარგება გადაწყვეტილი ამბავი იყო, მაგრამ საუდის არაბეთის კლუბის წარმომადგენლებმა ახალგაზრდა ამომავალი ვარსკვლავი მსუყე შეთავაზებით აცდუნეს.
"პარტენოპეი" ესპანელს სეზონურად 2,2 მილიონ ევროს სთავაზობდა, "ალ აჰლი" კი 5,7-ჯერ მეტს, წელიწადში 12,5 მილიონი ევროს დაჰპირდა.
მოკლედ, "ნაპოლის" ვეიგა ხელიდან გამოჰგლიჯეს და დე ლაურენტისმაც მორიგი ვარსკვლავი ხელში ვერ ჩაიგდო.
