ავტორიტეტული და გავლენიანი იტალიელი სპორტული ჟურნალისტის, ფაბრიციო რომანოს ინფორმაციით, "ნაპოლიმ" "ტორინოდან" 25 წლის მცველი ალესანდრო ბონჯორნო შეიძინა. გარიგების საფასურმა 35 მილიონი ევრო შეადგინა, რასაც 5 მილიონი ევრო ბონუსებით დაემატება. ფეხბურთელი "პარტენოპეისთან" კონტრაქტს 2029 წლამდე გააფორმებს.
შრომით ხელშეკრულებაში ჩაიდება პუნქტი, რომლის მიხედვითაც, ახალგაზრდა მცველის გამოსყიდვა 2027 წლიდან 70 მილიონ ევროდ იქნება შესაძლებელი.
ბონჯორნო, რომელიც აქამდე კიდევ ერთი ქართველის, საბა საზონოვის თანაგუნდელი გახლდათ, ხვალ ჩავა ნეაპოლში, სადაც სამედიცინო შემოწმებას გაივლის და კონტრაქტს გააფორმებს.
