ამერიკელი სენატორი რიჩარდ ბლუმენტალი აპირებს, თხოვნის წერილით მიმართოს ფიფას, რათა რუსეთს მსოფლიოს 2018 წლის ჩემპიონატის მასპინძლობის უფლება ჩამოერთვას.ბლუმენტალი აცხადებს, რომ აღშფოთებულია სირიასთან მიმართებაში რუსეთის პოლიტიკით.
"იმედი მაქვს, რომ ჩემს წერილს მხარს ფიფას წევრთა ღირსეული ნაწილი დაუჭერს, თუმცა საჭიროების შემთხვევაში, მზად ვარ, სხვა ნაბიჯებიც გადავდგა. მსოფლიოს ჩემიონატის მასპინძლობა გაცილებით მეტია, ვიდრე უბრალოდ, სიმბოლური ჟესტი", - აქვეყნებს ბლუმენტალის ნათქვამს wtnh.com.
მსოფლიოს ჩემპიონატი რუსეთში 2018 წელს, 14 ივნისიდან 15 ივლისამდე უნდა ჩატარდეს.
