ფიფას მსოფლიო თასმა მოგზაურობა დაიწყო. პრესტიჟულ ჯილდოს მსოფლიოს 6 კონტინენტზე, 51 ქვეყანასა და 91 ქალაქში ჩაიტანენ. ამ წამოწყების ინიციატორი ფიფა და "კოკა-კოლა" არიან, სანატრელი ჯილდოს მოგზაურობა მსოფლიოს გარშემო კი ისტორიაში მეოთხედ მოხდება.
წელს ქვეყნების ჩამონათვალს კიდევ სამი მათგანი - ისლანდია, ავსტრია და მონღოლეთი დაემატა.
მსოფლიო თასს პირველად ლონდონში ჩაიტანენ. ბოლოს კი მას ადგილს რუსეთში მიუჩენენ, სადაც ეს ჯილდო 3 თვის განმავლობაში იმოგზაურებს და 16 ქალაქს მოივლის.
საქართველოში მისი მონახულება კი 8 თებერვალს იქნება შესაძლებელი, როდესაც მსოფლიო თასს თბილისში ჩამოიტანენ.
![საოცარი მატჩი დრამატული დასასრულით - სამხრეთ აფრიკამ მსოფლიო თასის მასპინძელი დაამარცხა [VIDEO]](/pictures/image7/7e69fc7ba7683d85c79ffb396fe18c04.jpg "საოცარი მატჩი დრამატული დასასრულით - სამხრეთ აფრიკამ მსოფლიო თასის მასპინძელი დაამარცხა [VIDEO]")
