მესი დიდების მწვერვალზე - არგენტინა მსოფლიოს სამგზის ჩემპიონია! [VIDEO]

მართლაც ღვთაებრივი სამართალი

მსოფლიოს ჩემპიონატის განუმეორებელ ფინალში არგენტინამ საფრანგეთი პენალტების სერიაში დაამარცხა და მესამედ გახდა ჩემპიონი.

ამ მატჩს მთელი საფეხბურთო და არასაფეხბურთო სამყაროც კი მოუთმენლად ელოდა, თუ ვინ გახდებოდა მსოფლიოს სამგზის ჩემპიონი და რაც მთავარია, აღმართავდა თუ არა მესი ასე ნანატრ თასს. როგორც არგენტინის ნაკრების ყოფილმა თავდამსხმელმა ვალდანომ შეხვედრის წინ განაცხადა, ეს იქნებოდა ღვთაებრივი სამართალი. რა დასამალია და გულშემატკივართა დიდ უმრავლესობას ამის სურვილი ჰქონდა. აკი ბრძანა საფრანგეთის ეროვნული გუნდის მწვრთნელმა დეშამმა, რომ მათ ზოგიერთ თანამემამულეს მესის გამარჯვება უნდოდა. თვით საფრანგეთის პრეზიდენტ მაკრონის თქმით, რომ შეეძლოს ოქროს მედალს მბაპესაც გადასცემდა და მესისაც.

დებიუტში სამხრეთამერიკელები ინიციატივას დაეუფლენ, მეტოქეს მაღალი პრესინგი შესთავაზეს, აქტიური დი მარია მარცხენა ფრთიდან აკეთებდა საჯარიმოში გადაცემებს. 23-ე წუთზე სწორედ ის წააქცია საკუთარ საჯარიმოში დემბელემ და მესიმ პენალტით არგენტინა დააწინაურა. ისევე როგორც სხვა კომპონენტებში, სკალონის შეგირდების უპირატესობა ტექნიკაშიც საგრძნობი იყო და ანხელმა მაკალისტერის პასით ლორისის კარი დალაშქრა. ფრანგები ვერაფერს ვერ ახერხებდნენ, მძიმე სიტუაციაში აღმოჩნდნენ და დეშამი იძულებული შეიქნა უკვე პირველ ტაიმში გაეკეთებინა ორმაგი ცვლილება - ჟირუსა და დემბელეს ნაცვლად მოედანზე ტიურამი და კოლო მუანი შეუშვა.



. დი მარია პირველი ფეხბურთელია, რომელმაც გოლები მუნდიალზე, ოლიმპიადაზე და კონტინენტურ პირველობაზე გაიტანა.
. ლორისმა მსოფლიოს ჩემპიონატებზე მე-20 მატჩი ჩაატარა, ნოიერს გაასწრო და ამ მაჩვენებლით რეკორდსენი გახდა.

ლუსაილი. „აიკონიკი“. 88 966 მაყურებელი
არგენტინა - საფრანგეთი 3:3 (ძირ. დრო 2:2. პენ 4:2)