საფრანგეთის ლიგა 1-ის მოქმედმა ჩემპიონმა პსჟ-მა გვაუწყა, რომ "ბენფიკადან" 19 წლის პორტუგალიელი ნახევარმცველი ჟოაო ნევეში შეიძინა და მას კონტრაქტი 2029 წლის ივნისამდე გაუფორმა. ფაბრიციო რომანოს ინფორმაციით, პარიზელებს ეს გარიგება 60 მილიონი ევრო დაუჯდათ, რასაც 10 მილიონი ბონუსების სახით დაემატება.
ნევეშმა გასულ სეზონში ყველა ტურნირზე "არწივების" ფორმა 55 შეხვედრაში მოირგო, სადაც 3 გოლი გაიტანა და 2 შედეგიანი გადაცემა გააკეთა.
აქვე გეტყვით, რომ პარიზელებმა და ლისაბონელებმა კიდევ ერთი გარიგებაც გაჩარხეს. პსჟ-ის საკუთრებაში მყოფი 26 წლის ნახევარმცველი რენატო სანჩესი 1-წლიანი იჯარით "ბენფიკას" დაუბრუნდა.
