უკრაინის ჩემპიონატის მე-8 ტურში ლვოვის "კარპატი" სახლში როვნოს "ვერესთან" 0:6-ზე განადგურდა, 6 ქულით აუტსაიდერთა შორისაა და ფანები ძალიან გაბრაზდნენ. ისინი სკანდირებდნენ "ჩვენ კარპატი ვართ, თქვენ - განავალი", ნამატჩევს კი ერთ-ერთი მათგანი მოედანზე გადავიდა, ფეხბურთელებს უთხრა, რომ ღირსება არ გააჩნიათ და მაისურები გახადა."კარპატის" კაპიტნის იგორ ხუდობიაკის მეუღლემ ირინამ კი ინსტაგრამზე დაწერა:"ვერ ვიტან ლვოველ გულშემატკივრებს და სტადიონზე მისულ უბრალო მაყურებლებსაც. მოწინააღმდეგის ქომაგებმა თამაშის დაწყებამდე დაგჯაბნეს. ამ დროს სამაგალითონი უნდა იყოთ. ხმა ჩაიკმინდეთ და სტადიონის გზა დაივიწყეთ".
