ბრიტანელმა ჟურნალისტმა და ტელეწამყვანმა პირს მორგანმა, რომელიც "არსენალის" თავგადაკლული ფანია, აშშ-ს პრეზიდენტს დონალდ ტრამპს ინტერვიუ ჩამოართვა, "კანონირების" 45-ნომრიანი მაისურა აჩუქა და შემდეგ ტვიტერზე ეს დაწერა:"პრეზიდენტი ტრამპი აშენებს მძლავრ დამცავ კედელს, შემტევი ფილოსოფიისაა, გამარჯვების ნებისმიერ ფასად მოპოვებას ცდილობს და "მეთოფეთა" გაწვრთნა შევთავაზე".
ცნობისათვის, პრეზიდენტად არჩევამდე დონალდი გლაზგოს "რეინჯერსის" შეძენას გეგმავდა, მისი უმცროსი შვილი ბარონი კი ფეხბურთს ვაშინგტონის "დი სი იუნაიტედის" 12-წლამდელთა გუნდში თამაშობს.
