სკანდალი - ლეო მესი დაჯილდოებაზე არ გავიდა და აცხადებს, რომ არგენტინა ფინალში არ გაუშვეს

AutoSharing Option
კოპა ამერიკაზე ჩილესთან მესამე ადგილისთვის მატჩში (2:1) არგენტინის ნაკრების კაპიტანი ლეო მესი და მეტოქე გუნდის ნახევარმცველი გარი მედელი შეხლა-შემოხლისთვის გააძევეს, ლიონელი კი პროტესტის ნიშნად დაჯილდოებაზე არ გავიდა და კონმებოლი (სამხრეთ ამერიკის ფეხბურთის კონფედერაცია) კორუფციაში დაადანაშაულა.

"მე მედლის მისაღებად არ გავედი, რადგან ჩვენ არ უნდა ვიყოთ კორუფციისა და უპატივცემულობის ნაწილი. ჩვენ მეტს ვიმსახურებთ, მაგრამ ფინალში გასვლის უფლება არ მოგვცეს.

კორუფციამ და მსაჯებმა გულშემატკივრებს ფეხბურთით სიამოვნების მიღების საშუალება არ მისცეს. ფეხბურთი დანგრეულია. სიმართლის თქმაა საჭირო.

ტურნირს ბრაზილია მოიგებს? ეს საეჭვო არ არის.
სამწუხაროდ, აქ ყველაფერი ბრაზილიის ხელშესაწყობადაა მოწყობილი. მსაჯები ყველა იდიოტურ გადაწყვეტილებას ბრაზილიის სასარგებლოდ იღებენ. იქნებ კონმებოლმა რაიმე მოიმოქმედოს, თუმცა არა, ბრაზილიას ამ ორგანიზაციაში ძალიან დიდი ძალაუფლება აქვს.

იმედია, მსაჯები და ვიდეოგამეორება ხელს ვერ შეუშლის და პერუ მასპინძლებს ბრძოლას გაუმართავს, ამ გუნდს ეს შეუძლია. თუმცა, ვხედავ, ამის გაკეთება რთული იქნება.

გაძევება? მსაჯს შეეძლო ორივესთვის ყვითელი ბარათი ეჩვენებინა. ეს საკმარისი იქნებოდა. მთავარია, გუნდმა კარგად დაასრულა ტურნირი. გულდაწყვეტილი ვარ, რომ ბოლომდე ვერ ვითამაშე, მთლინობაში კი მშვიდად გახლავართ. ტურნირს თავაწეულნი ვტოვებთ, გუნდით ვამაყობ, რომელიც ბოლომდე დაიხარჯა. ბოლოს ჩვენ სკალონისთან ერთად ჩვენს თამაშს მივაგენით", - განაცხადა მესიმ.
მკითხველის კომენტარები / 17 /
ვიცით ბატონო რომ მესის ფანები არაობიექტურები ხართ და ასევე ბრმები, თქვენ რომ გკითხოთ კაცმა მესი მარადონას სჯობიაო ამბობთ. ვერხედავთ რომ ნაკრებში ლეოს თამაში არ უნდა თუ არ გამოსდის. ამას დანახვა უნდა.ხოლო ის ვინც დღეს საუკეთესოა ნაკრებშიც ისეთივე ლიდერია როგორც კლუბში. ისე ცნობისათვის არგენტინის ნაკრები არცერთ მსოფლოიზე არც კოპაზე ბრაზილიის ნაკრებზე ძლიერი არასოდეს ყოფოლა.სანახაობრივი მხარე მაქვს მხედველობაში. დღეს თქვენი გულის გასახეთქად პერუს დაანგრევს. ეს ის პერუა რომელმაც 1978-ში არგენტინას მიჰყიდა თამაში 6-0,რომ ბრაზილია ჩაეტოვებინა ჯგუფში. საერთოდ რომელ კორუფციაზე და უსამართლობაზე ლაპარაკობთ?
დავით 67
22:14 07-07-2019
6
წითელი ბარათიც და ყვითელი ბარათიც ფეხბურთის განუყოფელი ნაწილია მერე რა რო გააგდეს ის მსოფლიოში საუკეთესო ფეხბურთელია.
ფენომენო
10:44 07-07-2019
2

სიახლეები პოპულარული