"მანჩესტერ სიტი" ყურადღებით ადევნებს თვალს ლიონელ მესის კონფლიქტს "ბარსელონას" ხელმძღვანელობასთან და ამის პარალელურად, "ქალაქელები" არგენტინელის ხელში ჩასაგდებად გეგმებსაც აწყობენ. აღნიშნულ ინფორმაციას ESPN ავრცელებს.
მესის "ბარსელონასთან" კონტრაქტი 2021 წლის 30 ივნისამდე აკავშირებს, თუმცა ხელშეკრულებაში არის პუნქტი, რომლის თანახმადაც, არგენტინელი თავისუფალი აგენტი, შესაძლოა, ამ ზაფხულსაც გახდეს.
თუ მესი "ბარსას" დატოვებს, მისთვის ბრძოლაში ფავორიტი სწორედ "სიტი" იქნება, რადგან არგენტინელს ძალიან კარგი ურთიერთობა აქვს ინგლისური კლუბის სპორტულ დირექტორ ჩიკი ბეგირისტაინთსა და მთავარ მწვრთნელ ხოსეპ გვარდიოლასთან.
წყაროს მიხედვით, ინგლისის მოქმედი ჩემპიონი გუნდი იმ მცირეთაგანია, რომელსაც
შეუძლია მესის წლიური ხელფასის სახით 50 მილიონი ფუნტი შესთავაზოს.
![alt](/pictures/image50/8a233e328ec00db638c7cd8441e966e5.jpg "ESPN: "მანჩესტერ სიტი" ლიონელ მესის ხელში ჩაგდების გეგმას აწყობს")
აბიდალის ინტერვიუს მესის მწვავე რეაქცია მოჰყვა
![alt](/pictures/image50/9b0256e7606f919955a2a8b603f11554.jpeg "ESPN: "მანჩესტერ სიტი" ლიონელ მესის ხელში ჩაგდების გეგმას აწყობს")
ვალვერდე საურესმა, მესიმ და პიკემ დაჩაგრეს? რა განუკითხაობა ხდებოდა გუნდში
