დიდი ალბათობით, ზაფხულის სატრანსფერო ფანჯარაზე "ნაპოლის" ირვინ ლოსანო დატოვებს. მექსიკელ გარემარბს ახალი გამოწვევების მიღება და სხვა ჩემპიონატში ძალების მოსინჯვა სურს. მისი გაყიდვის წინააღმდეგი არც "პარტენოპეის" ხელმძღვანელობაა.Il Matino-ს ცნობით, 27 წლის შემტევს "ვულვზის" გარემარბი ადამა ტრაორე შეცვლის.
ტრაორე "ბარსელონას" აკადემიის აღზრდილია და გასულ სეზონში იჯარის წესით სწორედ "ლურჯ-ბროწეულისფერთა" რიგებში თამაშობდა, თუმცა კატალონიელთა თავკაცმა ხავი ერნანდესმა ესპანელის გამოსყიდვა არ მოისურვა.
რაც შეეხება ლოსანოს, მექსიკელი "ნაპოლის" 2019 წელს პსვ-დან შეუერთდა. ბრიტანული მედიის ინფორმაციით, მისი დამატებით ლონდონის "არსენალი", "მანჩესტერ იუნაიტედი" და "ლივერპული" ინტერესდებიან.
![alt](/pictures/image50/4076ae4fd9385b6749f1ef5062f9fbf2.jpg "ლოსანო "ნაპოლის" დატოვებს - "პარტენოპეიმ" მისი შემცვლელი შეარჩია")
![ხვიჩა შეცვლაზე შევიდა - "ნაპოლიმ" "ჯენოას" სძლია [VIDEO]](/pictures/image7/8823115fa3399d5eb0e970d0eddb43b9.png "ხვიჩა შეცვლაზე შევიდა - \"ნაპოლიმ\" \"ჯენოას\" სძლია [VIDEO]")
