აფრიკის თასის ნახევრფინალში ნიგერიამ სამხრეთი აფრიკა პენალტების სერიაში დაამარცხა.
დებიუტში ნიგერიამ შეუტია, თუმცა ვერ იხეირა, რის შემდეგაც სამხრეთი აფრიკა გააქტიურდა და თამაში გარდამავალი უპირატესობით მიმდინარეობდა. 65-ე წუთზე ოსიმენი მეტოქის მცველმა საკუთარ საჯარიმოში წააქცია და თავისი გუნდი პენალტით ტროსტ-ეკონგმა დააწინაურა. მერე თავად ოსიმენმა გაიტანა, მაგრამ არ ჩაუთვალეს (ტურნირზე მეორედ), ცოტა ხანში კი თერთმეტმეტრიანი უკვე ნიგერიელთა კარში დაინიშნა, მოკოენამ ანგარიში გაათანაბრა და ძირითადი დრო 1:1 დასრულდა.
110-ე წუთზე ვიქტორი შეცვალეს. მეორე ექსტრა-ტაიმში მსაჯმა ვიდეოგამეორების ნახვის მერე ბოლო იმედის ჯარიმის გამო სამხრეთაფრიკელთა მცველი კეკანა გააძევა, თუმცა დარჩენილ დროში ანგარიში არ შეიცვალა, ხოლო პენალტების სერიაში ნიგერიამ იმარჯვა და მერვედ გავიდა ფინალში.
11 თებერვალს ფინალში ნიგერია კოტ-დ’ივუარისა და კონგოს დემოკრატიულ რესპუბლიკას შორის გამარჯვებულს შეხვდება.
ბუაკე. „სტად დე ლა პე“
ნიგერია - სამხრეთი აფრიკა 1:1 (პენ 4:2)
გოლები: 1:0 ტროსტ-ეკონგი (67, პენ), 1:1 მოკოენა (90, პენ)
გაძევება: კეკანა (116)
23:51 07-02-2024
ოსიმენის მოპოვებული პენალტი და ისევ გაუქმებული გოლი - ნიგერია მაინც გავიდა ფინალში [VIDEO]
AutoSharing Option
ოსიმენის ჯანმრთელობის გამო ნიგერიელები ძალიან შეშინდნენ
მკითხველის კომენტარები / 3 /
მოწონებების მიხედვით
თარიღის მიხედვით
ოსიმენი და ბუდუ გვყავს ფორმაში,დაერხა მარტში ლუქსემბურგს
4
2
არანაირი თამაშგარე არ ყოფილა
1
1
ყველა კომენტარი
გააკეთეთ კომენტარი
ასევე დაგაინტერესებთ
![ოსიმენის დუბლი ზედიზედ მეორე მატჩში და თანაგუნდელისთვის მიძღვნილი გოლი [VIDEO]](/pictures/image7/13981b54573cec47915a4aa04e331d8f.png "ოსიმენის დუბლი ზედიზედ მეორე მატჩში და თანაგუნდელისთვის მიძღვნილი გოლი [VIDEO]")
უძრავი ქონება
107.00 k
150.00 k
სიახლეები
პოპულარული
