"ჩელსის" მთავარმა მწვრთნელმა ენცო მარესკამ უკრაინელ შემტევ მიხაილო მუდრიკზე ისაუბრა.იტალიელი სპეციალისტის თქმით, მუდრიკი ბურთით მეტოქის საჯარიმოსთან არასწორ გადაწყვეტილებებს იღებს და ამაზე უნდა იმუშაოს.
"მიხაილო უნიჭიერესი ფეხბურთელია, მას ჩვენს გუნდში კარგი და ცუდი მომენტები ჰქონდა. თუ უფრო სტაბილური გახდება, კარიერაში ერთი ნაბიჯით წინ წაიწევს.
ჩვენ მის გვერდით ვიქნებით და ვეცდებით, რომ დავეხმაროთ. მეტოქის საჯარიმოსთან არასწორ გადაწყვეტილებებს იღებს და ამაზე უნდა იმუშაოს. მისი არადამაჯერებელი თამაში სწორედ ამ ხარვეზის გამოა", - განაცხადა მარესკამ.
