15 ივლისს Geo Team-მა გაავრცელა ინფორმაცია, რომ "ჟირონას" 20 წლის ცენტრალური მცველი ანტალ იააკობიშვილი (სიმაღლე 193 სმ) საქართველოს ნაკრებში თამაშს განიხილავს, თუმცა ეს შეიძლება არ მოხდეს.
ანტალ იააკობიშვილი 7 სექტემბერს გერმანიასთან და 10 სექტემბერს ბოსნია და ჰერცეგოვინასთან ერთა ლიგის მატჩებისთვის უნგრეთის ნაკრების მწვრთნელმა მარკო როსიმ გამოიძახა და თუ რომელიმე შეხვედრაში მონაწილეობას მიიღებს, შემდგომში "ჯვაროსნების" რიგებში ასპარეზობის უფლება არ ექნება.
მადიართა თავკაცმა განაცხადა, რომ მისთვის მთავარია, ფეხბურთელს კლუბში სათამაშო პრაქტიკა ჰქონდეს. იააკობიშვილმა ყველა წინასასეზონო სპ
არინგში მიიღო მონაწილეობა, ოფიციალურ მატჩებში თავის წარმოჩენის შანსი არ ეძლევა, თუმცა ახალგაზრდებზე იმედებს ამყარებს და ანტალის ეროვნულ გუნდში გამოძახების დრო დადგა.
როგორც ჩანს, მისი უნგრეთის ეროვნულ გუნდში ხმობის განსაკუთრებული აუცილებლობა არ არსებობდა, მაგრამ უნგრეთის ფეხბურთის ფედერაციამ თავი დაიზღვია და პრევენციულ ზომას მიმართა.
ანტალი უნგრეთშია დაბადებული, ამ ქვეყნის ასაკობრივი ნაკრებების წევრი იყო, მისი ძმა, აარონ იააკობიშვილი კი "ბარსელონას" დუბლების მეკარეა.
"რაც წლების წინ წარმოუდგენლად ჩანდა, ახლა შესაძლოა სასიკეთოდ შემობრუნდეს" - Geo Team-ის ინფორმაციით, იაკობიშვილი საქართველოს ნაკრებში თამაშს განიხილავს
