Record-ის ცნობით, "სპორტინგის" ახალი მწვრთნელი ჟოაო პერეირა დათხოვნის ზღვარზეა. 40 წლის პორტუგალიელმა ლისაბონური გრანდი 11 ნოემბერს რუბენ ამორიმის "მანჩესტერ იუნაიტედში" წასვლის შემდეგ ჩაიბარა. მისი ხელმძღვანელობით "სპორტინგმა" 8 მატჩიდან 3 მოიგო, 1 ფრე ითამაშა და 4-ში დამარცხდა. კლუბის ხელმძღვანელობას სურს, რომ ახალი დამრიგებელი 29 დეკემბრამდე დანიშნონ, ვიდრე "ბენფიკასთან" მატჩი მოვა.
პერეირა აქამდე ლისაბონელთა მეორე გუნდს ავარჯიშებდა და შემდეგ მთავარ კლუბში დააწინაურეს.
