"ლევერკუზენის" ერთ-ერთი ლიდერის, ფლორიან ვირცის აგენტმა, ჯოვანი ბრანჩინიმ შემტევის "მანჩესტერ სიტიში" ტრანსფერის შესახებ გავრცელებული ჭორები უარყო.რამდენიმე დღის წინ Bild-მა დაწერა, რომ "ქალაქელები" ვირცის სანაცვლოდ 150 მილიონ ევროს გადახდას გეგმავდნენ.
ცნობისთვის, ფლორიანის გადაბირებით პრემიერლიგის რამდენიმე კლუბი და მიუნხენის "ბაიერნი" ინტერესდებიან.
მიმდინარე სეზონში ვირცმა "ლევერკუზენის" მაისურით ყველა ტურნირზე 38 მატჩი გამართა, თავი კი 15 გატანილი გოლითა და 13 საგოლე პასით გამოიჩინა.
