ტურინის "იუვენტუსის" მთავარმა მწვრთნელმა ანტონიო კონტემ დანიურ "კოპენჰაგენთან" მატჩის შემდეგ საგოლე მომენტების გამოუყენებლობაზე დაიჩივლა.17 სექტემბერს გამართულ ჩემპიონთა ლიგის ჯგუფური ეტაპის I ტურის მატჩში ტურინელები ფრეს დასჯერდნენ - 1:1.
მატჩის დასაწყისში მასპინძლები ნიკოლაი იორგენსენმა დააწინაურა, "ბებერმა ქალბატონმა" კი გათანაბრება 54-ე წუთზე ფაბიო კვალიარელას გოლით შეძლო.
იხილეთ ვიდეო
დღეს ბრწყინვალე შანსი გვქონდა, მაგრამ მაინც ვერ გავიმარჯვეთ. ვერც კი ვიხსენებ შემთხვევას, რომ ჩემი ხელმძღვანელობით გუნდს ამდენი საგოლე მომენტი,
არადა, თურქეთში დაფიქსირებული შედეგის გათვალისწინებით, მოგება ჩვენთვის ძალიან კარგი იქნებოდა. დასანანია.
ასეთია ფეხბურთი - როცა გატანას ვერაფრით ახერხებ, შეიძლება სულაც წააგო. ხომ ნახეთ მეტოქის გოლი - ის რაიმე განსაკუთრებულ შეტევას სულაც არ მოჰყოლია.
"კოპენჰაგენი" შეკრული გუნდია, თუმცა მძიმედ მოქმედებს და სისულელე იქნებოდა სხვა ფეხბურთელების გამოყვანა. მიზნის მისაღწევად ტევესი, კვალიარელა და ჯოვინკოც საკმარისი იყო, მაგრამ რეალიზაციაში მოვიკოჭლეთ.
დე ჩელიე იმისთვის გამოვიყვანე, რომ ამ სტრატეგიულ თამაშში სანტიმეტრიც კი არ დაგვეთმო. მეტოქე თავისი გიგანტებით ცდილობდა, შევევიწროვებინეთ, ჩვენ კი ფლანგების გამოყენებას ვეშურებოდით.
ლიხტშტაინერმა და პელუზომ კარგად იმუშავეს, მაგრამ რაც უნდა გააკეთო, თუკი გატანას ვერ ახერხებ, სულ ამაოა დანარჩენზე საუბარი", - თქვა კონტემ მატჩის შემდეგ.
ასევე იხილეთ:
ჩემპიონთა ლიგა. ჯგუფური ეტაპი. I ტური: ყველა, "ბებერი ქალბატონის" გარდა [VIDEO]
