U18. საქართველო-უკრაინა 0:1 - გუშინ იყო მარცხი... [VIDEO]

საქართველოს 18-წლამდელთა ნაკრები ამხანაგურ მატჩში უკრაინელ თანატოლებს დაუპირისპირდა და 0:1 დამარცხდა.

პირველი ტაიმში გიორგი ყიფიანის გუნდმა ტერიტორიული უპირატესობა მოიპოვა, მაგრამ უკრაინელები თავს ორგანიზებულად იცავდნენ და ქართველების შეტევებს ახშობდნენ, თავად კი შესვენებამდე გოლი "გასახდელში" გაგვაყოლეს - "სტანდარტის" გათამაშების შემდეგ ანგარიში დონეცკის "ოლიმპიკის" მცველმა ვადიმ შასლივცევმა გახსნა - 0:1.

მეორე ტაიმი საჩვენოდ წარიმართა. მსაჯთან კამათის გამო მოედნიდან "დნიპროს" მცველი სტანისლავ გუძი გააძევეს.

შესვენების შემდეგ უკრაინელთა შემადგენლობაში წარმოშობით ქართველი ჯაბა ფხაკაძე გამოჩნდა.

ყიფიანის ბიჭებმა კაცნაკლული მეტოქის კართან რეალური საგოლე მომენტები კი შექმნეს, მაგრამ ვერ გამოიყენეს. დამატებულ დროში მეკარესთან პირისპირ გავიდა ბექა ქავთარაძე, მაგრამ მისი დარტყმა არაზუსტი გამოდგა და სტუმარმა სათავისო ანგარიში შეინარჩუნა.

საქართველოსა და უკრაინის 18-წლამდელები მეორე ამხანაგურ შეხვედრას 4 ივნისს კვლავ "მიხეილ მესხზე" გამართავენ. მატჩი 18 საათზე დაიწყება.

U18. ამხანაგური მატჩი
02.06. თბილისი. "მიხეილ მესხი" 
საქართველო-უკრაინა 0:1
გოლი: 0:1 შასლივცევი (45)
საქართველო: გუგეშაშვილი, კიკალიშვილი (73. ხაბეიშვილი), ლოჩოშვილი, კობოური (73. ბულუხაძე), ხუბაშვილი, ლაკვეხელიანი (77. ქავთარაძე), სამურკასოვი (46. ქოჩორაშვილი), საგრიშვილი, არდაზიშვილი (65. კვანტალიანი), კოხრეიძე (65. ფოჩხუა), ჩოგაძე.
მწვრთნელი: გიორგი ყიფიანი
გაძევება: გუძი (55)

(იბეჭდება მცირე ცვლილებით)
ყოველდღიური სპორტული გაზეთი "ლელო"