აღიარება: გიორგი ხარაიშვილს ევროპაში აკვირდებიან

გიორგი ხარაიშვილი აღმოსავლეთ ევროპის 20 საუკეთესო ახალგაზრდა ფეხბურთელს შორის დაასახელეს - "საბურთალოს" კაპიტანსა და საქართველოს ახალგაზრდული ნაკრების ნახევარმცველზე ეს ინფორმაცია ჰოლანდიურმა ავტორიტეტულმა გამოცემა Voetbalzone-მა გამოაქვეყნა.

"დაახლოებით ექვს კვირაში სატრანსფერო "ფანჯარა" ისევ გაიხსნება და ნაკლებად ცნობილი სახელებიც გამოჩნდებიან. რა თქმა უნდა, უფრო მეტად ილაპარაკებენ ისეთი ფეხბურთელების გადასვლებზე, როგორებიც არიან ანტუან გრიზმანი და ალექსის სანჩესი. მაგრამ არის უამრავი მოთამაშე, რომელთაც ნაკლებ ყურადღებას აქცევენ, მაგრამ მათი გვარები ყველა სელექციონერმა იცის. ამჯერად, აღმოსავლეთ ევროპის 20 ყველაზე ნიჭიერ მოთამაშეს წარმოგიდგენთ"... - წერია გამოცემაში.

ჰოლანდიურმა გამოცემამ ხარაიშვილი ასე წარადგინა:

"საბურთალოს" 20 წლის ნახევარმცველმა გიორგი ხარაიშვილმა 92 ოფიციალურ მატჩში 43 გოლის გატანა მოახერხა და საქართველოში ერთ-ერთი ყველაზე სასურველი მოთამაშე გახდა. მისი თამაშის სანახავად, საქართველოში არნემის "ვიტესის" მენეჯერი თეო იანსენი იმყოფებოდა. ამას გარდა, ქართველ ფეხბურთელს აკვირდებიან "პსვ ეინდჰოვენი", "ანდერლეხტი" და "ბრიუგე".

(იბეჭდება მცირე ცვლილებით)
ყოველდღიური სპორტული გაზეთი "ლელო"