20 წლის მარჯვენა გარემარბი აკაკი შულაია თბილისის "დინამოს" უახლოვდება. ეს ინფორმაცია "დინამოს" პრეზიდენტ რომან ფიფიას მრჩეველ ლევან სალუქვაძესთან გადავამოწმეთ:"აკაკი შულაია თავისუფალი აგენტია და ის "დინამოსთან" ერთად მიდის შეკრებაზე. საბოლოო გადაწყვეტილებას, როგორც კლუბი, ისე ფეხბურთელი, მას შემდეგ მიიღებენ, როცა გუნდი შეკრებიდან დაბრუნდება", - გვითხრა სალუქვაძემ.
ჩვენ კი შეგახსენებთ, რომ შულაიას აქამდე "მერანში", "ცხინვალსა" და "სიონში" უთამაშია. ბოლოს ის კვლავ მარტვილური კლუბის ღირსებას იცავდა.
ამასობაში, ვრცელდება ინფორმაცია, რომ თბილისის "დინამოს" 26 წლის მცველის, გიორგი გველესიანის გადაბირება ირანის "ზობ აჰანს" სურს. ეს
სალუქვაძემ გველესიანის მიმართ ირანელთა ინტერესი დაგვიდასტურა, თუმცა იქვე დასძინა, რომ გადაწყვეტილი ჯერ არაფერია.
თბილისის "დინამო" შეკრებას სლოვენიაში, 29 ივნისიდან 13 ივლისის ჩათვლით გაივლის.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ეროვნული ლიგა. XXXIII ტური. "დილა" - "დინამო" (თბ) [LIVE]](/pictures/image7/51a7cde92f25b61aecd677fa1560027b.png "ეროვნული ლიგა. XXXIII ტური. \"დილა\" - \"დინამო\" (თბ) [LIVE]")
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
