გასული ეროვნული ჩემპიონატის შედეგების მიხედვით, ბათუმის "დინამომ" უმაღლეს ლიგაში ბოლოსწინა, მე-11 ადგილი დაიკავა და პირველ ლიგაში გავარდა, თუმცა, როგორც საქართველოში ხშირად ხდება ხოლმე, სულაც არ არის გამორიცხული, ქვედა ლიგაში დაქვეითებული კლუბი კვლავ უძლიერესთა შორის ვიხილოთ.მეტიც, არც ის უნდა გამოვრიცხოთ, რომ შემდეგ სეზონში ბათუმელთა სახით არა მოკრძალებული მიზნებისთვის მებრძოლმა, არამედ საკმაოდ ამბიციურმა კლუბმა იასპარეზოს.
მართალია, ბოლო წლების განმავლობაში არაერთხელ გაჟღერებულა ბათუმის "დინამოში" უცხოელი ინვესტორის შემოსვლის შესახებ ინფორმაცია, მაგრამ ხმები ხმებადვე რჩებოდა და კლუბი არსებობას მოკრძალებული ბიუჯეტითა და კატასტროფული ინფრასტრუქტურით აგრძელებდა.
ჩვენს ხელთ არსებული სარწმუნო ინფორმაციით, აქტიური მოლაპარაკებები მიმდინარეობს აჭარული კლუბის ამჟამინდელ მესვეურებთან, აჭარის ავტონომიური რესპუბლიკის ხელმძღვანელებსა და ბათუმის მერიასთან იმის თაობაზე, რომ ბათუმის "დინამოს" სათავეში "ზესტაფონის" პრეზიდენტი ილია კოკაია და მისი საქმიანი პარტნიორები მოვიდნენ.
როგორც იცით, კოკაიამ მთელი რიგი მიზეზების გამო შეუძლებლად მიიჩნია "ზესტაფონის" გაძღოლა და ჯერჯერობით იმერული კლუბის მომავალი კითხვის ნიშნის ქვეშაა.
ვნახოთ, როგორ დასრულდება მოლაპარაკებები კოკაიასა და ბათუმურ მხარეს შორის და ვიხილავთ თუ არა "ზესტაფონის" პრეზიდენტს სხვა კლუბის სათავეში.
სამწუხაროდ, 9 ივნისს კოკაიასთანაც და ბათუმის "დინამოს" ხელძღვანელებთანაც დაკავშირება შეუძლებელი აღმოჩნდა. ვიმედოვნებთ, ამ საქმეს ნათელი უახლოეს დღეებში მოეფინება.
ამავდროულად, იმის იმედსაც გამოვთქვამთ, რომ არც "ზესტაფონის", ისევე, როგორც სხვა უმაღლესლიგელთა პრობლემები დარჩება მოუგვარებელი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
ბათუმის "დინამოს" გულშემატკივრები გუნდის ხელმძღვანელობის შეცვლას ითხოვენ
მალხაზ მახარაძე: ბათუმის "დინამოში" დიდი ცვლილებები იქნება
"ზესტაფონი": სტადიონზე ელექტროენერგია შეწყდა, ბალახი ხმება...
დომინოს პრინციპი - ილია კოკაია "ზესტაფონს" არ მიატოვებსო...
ილია კოკაიამ მუნიციპალიტეტს "ზესტაფონის" გადაცემის წერილით მიმართა
ისევ ილია კოკაია და მორიგი ნაღმი: ამას ვერც წარმოვიდგენდი...
![ეროვნული ლიგა. XXXIII ტური. "დინამო" (ბთ) - "იბერია 1999" [LIVE]](/pictures/image7/566f2159137b5e3373818ab6b88ce22e.png "ეროვნული ლიგა. XXXIII ტური. \"დინამო\" (ბთ) - \"იბერია 1999\" [LIVE]")
![ეროვნული ლიგა. XXXII ტური. "ტორპედო" - "დინამო" (ბთ) [LIVE]](/pictures/image7/35ca7b0ee15305d4b455c21328380b04.png "ეროვნული ლიგა. XXXII ტური. \"ტორპედო\" - \"დინამო\" (ბთ) [LIVE]")
![ეროვნული ლიგა. XXXI ტური. "დინამო" (ბთ) - "თელავი" [LIVE]](/pictures/image7/657764ee57ee032da5797e3c77c7848c.png "ეროვნული ლიგა. XXXI ტური. \"დინამო\" (ბთ) - \"თელავი\" [LIVE]")
