ესპანეთის ნაკრებთან ამხანაგურ მატჩში ქართველთაგან ერთ-ერთი გამორჩეული იყო ჯაბა ჯიღაური, რომლის პასსაც თორნიკე ოქრიაშვილის გოლი მოჰყვა და ასე იშვა ისტორიული გამარჯვება მსოფლიო ფეხბურთის გრანდთან საგარეო სპარინგში.საერთოდ, ჯიღაურს ეროვნულ ჩემპიონატში ძალიან კარგი სეზონი ჰქონდა - 28 მატჩში 13 გოლი გაიტანა და გუნდის წარმატებაში სოლიდური წილი დაიდო. ის ესპანეთთანაც ღირსეულად გამოიყურებოდა, დებიუტანტის კვალობაზე მღელვარება არც ეტყობოდა, დაცვასაც ეხმარებოდა და შეტევების წამოწყებასაც ცდილობდა.
ამას გარდა, ის საქართველოს ნაკრების მოთამაშეთა იმ ექვსეულში მოხვდა, რომელმაც ესპანეთთან მატჩში ბევრი ირბინა. უშუალოდ ჯიღაურმა ხეტაფეს "ალფონსო პერესზე"
შევიტყვეთ, რომ ჯიღაურის მიმართ ინტერესი ბელგიურმა, თურქულმა და ესპანურმა კლუბებმა გამოხატეს. ეს ინტერესი თავად ფეხბურთელმაც დაგვიდასტურა, მაგრამ მას "დინამოსთან" კონტრაქტი დეკემბრამდე აკავშირებს.
23 წლის ფეხბურთელმა გვითხრა, რომ აუცილებლად ითამაშებს ჩემპიონთა ლიგაზე, აი, დეკემბრის შემდეგ რა მოხდება, ამის თქმა ახლა ძალიან ძნელია.
(იბეჭდება მცირე ცვლილებით)
ყოველდღიური სპორტული გაზეთი "ლელო"
