თბილისის "ლოკომოტივი": ჟერარდ სარაგოსა რჩება, მზადება საგურამოსა და ავსტრიაში

AutoSharing Option
თბილისის "ლოკომოტივმა" უმაღლეს ლიგაში ადგილი ბოლო ტურში "ცხინვალთან" ზავის (1:1) წყალობით შეინარჩუნა. გუნდი უკვე შეიკრიბა საგურამოში და ახალი სეზონისთვის მზადებას შეუდგა.

ცნობილია, რომ "ლოკომოტივს" ჯერჯერობით 2 ახალწვეული ჰყავს და ორივე - "ტორპედოდან": ქუთაისელთა ყოფილი კაპიტანი გიორგი კუხიანიძე და ირაკლი კლიმიაშვილი. გუნდი დატოვა 26 წლის თავდამსხმელმა ზვიად ქანთარიამ, რომელიც კარიერას მარტვილის "მერანში" (I ლიგაში დაქვეითდა) გააგრძელებს.

კლუბის მენეჯერმა თამაზ ბოკერიამ "ლელოსთან" კომენტარში თქვა:

"ესპანელი მთავარი მწვრთნელი ჟერარდ სარაგოსა გუნდში რჩება და "ლოკომოტივში" ახალ სეზონშიც იმუშავებს.

ჩვენ ჯერ ორი მოთამაშე დავიმატეთ. საერთოდ,
გუნდს საკმაოდ ძლიერი შემადგენლობა ჰყავს, მაგრამ მეორე წრეში იმიტომ გაგვიჭირდა, რომ ბევრი ფეხბურთელი ტრავმირებული იყო. იმედია, ამ შემადგენლობით გარდამავალ ჩემპიონატში ბევრად უკეთესი შედეგებისთვის ვიბრძოლებთ.

შეკრების მეორე ეტაპი 17 ივლისიდან 1-ელ აგვისტომდე უცხოეთში დავგეგმეთ. გუნდი ახალი სეზონისთვის ავსტრიაში მოემზადება".

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 1 /
დევდარიანი ბავსჰვებს უნდა ავარჯიშებდეს და ეს მთავარ გუნდს???
იოიო
00:11 15-06-2016
0

სიახლეები პოპულარული