11:57 22-08-2016
საბურთალო-სამტრედია 2:2 - დამაინტრიგებელი ფინალი [VIDEO]
AutoSharing Option
დასაწყისი სამტრედიელების იყო და პირველ ტაიმში სტუმრები სოლიდური უპირატესობით დაწინაურდნენ კიდეც. 37-ე წუთზე, დავით რაჟამაშვილმა საჯარიმოს სიახლოვეს მცველი ეფექტურად ჩამოიცილა და მოულოდნელად კარში ძლიერად დასცხო - 0:1.
გავიდა ერთი წუთი და გიორგი გამყრელიძემ ჩინებული გადაცემით საჯარიმოში დასარტყმელ პოზიციაზე გაიყვანა ლაშა შერგელაშვილი, რომელმაც იმერელთა უპირატესობა გაზარდა - 0:2.
მაგრამ სტუმრებმა 3 ქულის მოპოვება მაინც ვერ მოახერხეს. მეორე ნახევარში თბილისელები გააქტიურდნენ. 59-ე წუთზე, გიორგი ხარაიშვილმა კარში დაარტყა და ბურთზე გასულ ნიკა სანდოხაძეს შეეჯახა. არბიტრმა ეს წესის დარღვევად მიიჩნია და პენალტი დანიშნა. ამ გადაწყვეტილებამ სტუმრებისა და მათი გულშემატკივრების უკმაყოფილება გამოიწვია, მაგრამ არბიტრმა ვერდიქტი არ შეცვალა, ხარაიშვილმა კი უნაკლოდ დაარტყა პენალტი და სხვაობა მინიმუმამდე შეამცირა - 1:2.
სტუმრებს პრეტენზია მაშინაც გაუჩნდათ, როცა გიორგი დათუნაიშვილი საჯარიმოში შეიჭრა და მცველთან ბრძოლაში წაიქცა. სამტრედიელები პენალტს ითხოვდნენ, მაგრამ არბიტრმა მათი მოთხოვნა არ დააკმაყოფილა. არადა, ერთი შეხედვით, მათი პრეტენზია უსაფუძვლო არ უნდა ყოფილიყო.
პაბლო ფრანკო მარტინმა შეტევის გაძლიერება სცადა და ცენტრალური მცველი გაგი მარგველაშვილი თავდამსხმელ გიორგი ფანცულაიათი ჩაანაცვლა, გუნდი კი 3 მცველზე გადაეწყო. მასპინძლებმა ზეწოლა კიდევ უფრო გააძლიერეს.
გატანა რატი ცაცკრიალაშვილსა და გიორგი კოხრეიძეს შეეძლოთ, მაგრამ მასპინძლებმა ქულა სწორედ შეცვლაზე შესული ფანცულაიას ფლანგური გარღვევის შედეგად მოიპოვეს - საჯარიმოში ირაკლი ბიძინაშვილი გათავისუფლდა და ახლო მანძილიდან ზუსტი დარტყმით საბოლოო ანგარიში დააფიქსირა - 2:2.
უმაღლესი ლიგა. წითელი ჯგუფი. III ტური
20.08. თბილისი. "მიხეილ მესხი"
საბურთალო-სამტრედია 2:2
გოლები: 0:1 რაჟამაშვილი (34), 0:2 შერგელაშვილი (35. გამყრელიძის პასით), 1:2 ხარაიშვილი (59-პენ) (59), 2:2 ბიძინაშვილი (84. ფანცულაიას პასით)
საბურთალო: გოშაძე, იაშვილი, კარასკო, მარგველაშვილი (83. ფანცულაია), თედორე გრიგალაშვილი, ხარაიშვილი, ელვინი (57. ცაცკრიალაშვილი), სანტიაგო ხარა (69. კოხრეიძე), ბიძინაშვილი, ჩაბრაძე, გარსია პენა.
სათადარიგოები: ქურდაძე, სოფრომაძე, გვარაძე, რუხაძე
მწვრთნელი: პაბლო ფრანკო მარტინი
სამტრედია: მიგინეიშვილი, მთივლიშვილი (68. მჭედლიშვილი), სანდოხაძე, ცნობილაძე, შერგელაშვილი, დათუნაიშვილი, მანჯგალაძე, რაჟამაშვილი (87. ჯიქია), გამყრელიძე, არაბული (77. მარკოზაშვილი), ზივზივაძე.
სათადარიგოები: მეშველიანი, გოგიაშვილი, ახალაძე, ნინუა
მწვრთნელი: გია ცეცაძე
გაფრთხილებები: მანჯგალაძე (53), სანდოხაძე (60), მიგინეიშვილი (71), თედორე გრიგალაშვილი (90)
არბიტრი: გ. ყრუაშვილი
მომდევნო ტური
27 აგვისტო
თეთრი ჯგუფი
ლოკომოტივი-გურია
შუქურა-ცხინვალი
ტორპედო-ჩიხურა
დინამო (თბ) ისვენებს
წითელი ჯგუფი
კოლხეთი-საბურთალო
დილა-სიონი
ზუგდიდი-დინამო (ბთ)
სამტრედია ისვენებს
ბომბარდირები
თ. შონია (დინამო, ბთ) 4
ს. ლობჟანიძე (ჩიხურა) 3
ბ. ზივზივაძე (სამტრედია) 3
(იბეჭდება მცირე ცვლილებით)
სერგო კორძაია
ყოველდღიური სპორტული გაზეთი "ლელო"
ასევე დაგაინტერესებთ
უძრავი ქონება
სიახლეები
პოპულარული
ეგეთი სიტუაცია მომხდარიყო სამტრედიაში მათ სასარგებლოდ და მსაჯს არ დაედო პენალტი, მერე რა მოხდებოდა იქ ხო წარმომიდგენია. ცოტა ობიექტურები იყავით!
პროფესიონალი ფეხბურთელები (როგორებსაც ვითომ ზრდის ცეცაძე) არ უნდა ეცემოდნენ არც მორალურად და არც სხვა რაიმე მიზეზით, გაშვებული გოლის გამო,მითუმეტეს როცა ინარჩუნებენ უპირატესობას.ეს ისევ და ისევ მათ სისუსტეზე მიუთიტებს და არა პროფესიონალიზმზე. ამას გარდა, როგორც უკვე დავწერე, თუკი ცეცაძეს ტვინი ეყოფოდა, მეორე ტაიმს დაცვა-კონტრშეტევაზე ააწყობდა კლასიკურად და ისე ერთი კაცი არ და ვერ გაეპარებოდა დაცვას, რის გამოც საეჭვო პენალტი დაინიშნა.
სამტრედიას კარგი წინა ხაზი ჰყავს მაგრამ უკან ჩამოსვლაში ისინი ზანტები და უბრალოდ გაუწვრთნელები არიან. ეგეც პრობლემაა.
gela
უნამუსობა რაა ძმებო იცით? როცა მოკლე გარდამავალ ჩემპიონატში ყოველ მოგებას უდიდესი მნიშვნელობა აქვს და მწვრთნელს არც ტვინი და არც სინდისი ჰყოფნის რომ მოგებული პირველი ტაიმის მერე მეტი ყურადღება დაცვაზე და კონტრშეტევაზე გადაიტანოს.
მწვრთნელის და მისი უხეიროდ(უმსგავსოდ) შერჩეული დაცვის ხაზის სინდისზეა ეს დაკარგული 2 ქულა.
კიდევ ერთი უბედურებვაა ეს მაიმუნობა ჯიქიას ირგვლივ, თუ არ ვარგა ეს ბავშვი საერთოდ რატომ გამოგყავს, ან თუკი გამოგყავს მხოლოდ ბოლო 5-6 წუთი ეს რა უბედურებაა? რა პრაქტიკა უნდა მიიღოს და რა ფორმაში უნდა სევიდეს კაცი 5 წუთიანი თამაშით? ეს უფრო დაცინვას აგავს.