საქართველოს ფეხბურთის ფედერაციის სადისციპლინო და დავების განმხილველმა კომიტეტმა დააკმაყოფილა თბილისის "დინამოს" საჩივარი და ამ კლუბის ფეხბურთელებს, გიორგი პაპუნაშვილსა და რენე ფერეირას დისკვალიფიკაცია მოუხსნა. შესაბამისად, პაპუნაშვილსა და ფერეირას მომდევნო ტურში თამაშის უფლება აქვთ.შეგახსენებთ, რომ პაპუნაშვილი და ფერეირა სადისციპლინო კომიტიტეტმა 5-მატჩიანი დისკვალიფიკაციითა და ფულადი ჯარიმით უმაღლესი ლიგის მე-9 ტურის მატჩში მომხდარი ინციდენტის გამო დასაჯა. ლანჩხუთში, "გურიასთან" გასვლით შეხვედრაში ფეხბურთელებმა ერთმანეთში ჩხუბის გამო წითელი ბარათები მიიღეს.
- მსაჯმა ორი დინამოელი ერთმანეთში ჩხუბის შემდეგ გააძევა [VIDEO]
- გურია-დინამო (თბ) 0:2 - ეს "დინამოა"!
აღსანიშნავია, რომ პაპუნაშვილმა და ფერეირამ 3-3 შეხვედრა უკვე გამოტოვეს. თბილისის "დინამო" კი მომდევნო მატჩს ქობულეთში, "შუქურას" წინააღმდეგ კვირას გამართავს. ვიაჩესლავ გროზნის გუნდი ამ თამაშს დანაკლისით მაინც შეხვდება - სადისციპლინო კომიტეტმა 3-მატჩიანი დისკვალიფიკაციით დინამოელთა თავდამსხმელი ლადო დვალიშვილი დასაჯა, რომელიც საქართველოს თასის 1/2-ფინალურ მატჩში "ტორპედოსთან" გააძევეს.
- დინამო (თბ)-ტორპედო 2:3 - გროზნის ჩამწარებული დებიუტი [VIDEO]
![ლიდერმა "დილამ" ორკაცნაკლულ თბილისის "დინამოს" მძიმე მატჩში სძლია [VIDEO]](/pictures/image7/924aaff98cdd03bf2c885666084bfff3.jpg "ლიდერმა \"დილამ\" ორკაცნაკლულ თბილისის \"დინამოს\" მძიმე მატჩში სძლია [VIDEO]")
![ეროვნული ლიგა. XV ტური. "დილა" - "დინამო" (თბ) [LIVE]](/pictures/image7/ae99e1fb1ef852fd88b8047baf3f7ef5.png "ეროვნული ლიგა. XV ტური. \"დილა\" - \"დინამო\" (თბ) [LIVE]")
!["დილამ" "იბერია 1999"-ს 4:1 მოუგო და გალიდერდა [VIDEO]](/pictures/image7/b3b121366e4f4386d59971de18c66a9f.jpg "\"დილამ\" \"იბერია 1999\"-ს 4:1 მოუგო და გალიდერდა [VIDEO]")
![ეროვნული ლიგა. XIV ტური. "სამტრედია" - "დინამო" (თბ) [LIVE]](/pictures/image7/4115b59f6c3da45badd269022e9e7e38.png "ეროვნული ლიგა. XIV ტური. \"სამტრედია\" - \"დინამო\" (თბ) [LIVE]")
