საქართველოს ნაკრების ყოფილმა მეკარე გიორგი ლომაიამ, რომელიც ბოლოს თბილისის "დინამოს" ღირსებას იცავდა, კარიერა დაასრულა. 37 წლის გოლკიპერმა ამის შესახებ გაზეთ "ლელოსთან" ინტერვიუში განაცხადა."ბავშვი აღარ ვარ და ინერციით თამაშს ვამჯობინე, ახალი ცხოვრება დამეწყო. თბილისის "დინამოსთან" კონტრაქტი 2017 წლის ივლისამდე გავაფორმე, მაგრამ დავილაპარაკეთ და ორმხრივი შეთანხმების საფუძველზე გავწყვიტეთ", - უთხრა ლომაიამ გამოცემას.
ლომაიამ პროფესიული კარიერა 18 წლის ასაკში, საქართველოს ყველაზე ტიტულოვან გუნდში, თბილისის "დინამოში" დაიწყო და ბოლოს სწორედ ამ კლუბის ღირსებას იცავდა. სხვადასხვა დროს კი ის თბილისის "ლოკომოტივსა" და რუსთავის "ოლიმპიკში",
გიორგი ლომაია არის საქართველოსა (1998, 1999) და აზერბაიჯანის ჩემპიონი (2010), საქართველოს თასისა (2000, 2002) და სუპერთასის მფლობელი (1999). საინტერესოა, რომ ეროვნული ნაკრების მეკარეთა შორის ყველაზე მეტჯერ (45) კარში სწორედ ლომაია იდგა.
