საქართველოს ნაკრების მთავარმა მწვრთნელმა თემურ ქეცბაიამ ბელორუსის ეროვნულ გუნდთან (0:2) მსოფლიოს 2014 წლის ჩემპიონატის შესარჩევი ეტაპის წაგებულ მატჩზე ისაუბრა."ვულოცავ ბელორუსის ნაკრებს მოგებას. მეტოქემ დამსახურებულად გაიმარჯვა. მაყურებლისთვის საინტერესო მატჩი გამოვიდა - ორივე გუნდმა ბევრი მომენტი შექმნა.
შეხვედრის დაწყებამდე გვეგონა, რომ ქულებს ავიღებდით ამ მატჩში. როცა 0:1-დან იწყებ, ყოველთვის ძნელია. ჩემი ფეხბურთელების მონდომებით კმაყოფილი ვარ, მაგრამ დაცვაში დაშვებული ბავშვური შეცდომებით უკმაყოფილო ვარ, რის გამოც დავისაჯეთ კიდეც.
მარცხის მიუხედავად, ჩვენი ამოცანა კვლავ მესამე ადგილისთვის ბრძოლაა", - თქვა ქეცბაიამ.
goals.by-ს კორესპონდენტის კითხვაზე, თუ
"ის მატჩი ერთი თვის წინ იყო. თბილისური შეხვედრის გმირები არ გვჭირდება, დღევანდელი მატჩის გმირები გვჭირდებოდა, აქ, მინსკში", - აღნიშნა საქართველოს ნაკრების მთავარმა მწვრთნელმა.
pressball.by-სთან საუბარში კი ქეცბაიამ აღნიშნა, რომ შესვენების დროს გასახდელში ოქრიაშვილმა თქვა, რომ ფეხი სტკიოდა. "ჯვაროსნების" თავკაცმა ასევე ჯანო ანანიძის სასტარტო შემადგენლობის მიღმა დატოვების მიზეზი ახსნა:
"ჯანო საკუთარ კლუბში არ თამაშობს. იმ ფეხბურთელებს ვიყენებთ, ვისაც სათამაშო პრაქტიკა აქვთ თავიანთ კლუბებში. ანანიძის გამოყენებას მეორე ტაიმში ვაპირებდით".
ასევე იხილეთ:
ბელორუსი-საქართველო 2:0 - საქმე, რომელსაც მილიონები არ შველის
