კვირის 1000 წვრილმანი: სად არის თავსატეხი ამოცანა?

AutoSharing Option
როცა საქართველოს ნაკრები მარცხდება, ძირითადად იმაზე მიდის ლაპარაკი, რომ მაღალი დონის ფეხბურთელები არ ჰყავს და ასეთ დროს მწვრთნელმა რა უნდა იღონოს.

ან იმ აზრს ეძელვა უპირატესობა, რომ მწვრთნელმა საშუალო გაქანების ფეხბურთელებითაც უნდა შეძლოს ბრძოლისუნარიანი გუნდის შექმნა და გრანდებისთვის კერკეტი კაკალი უნდა გახდეს.

როგორც უნდა იყოს, მწვრთნელის როლი ყოველთვის აქტუალურია, რადგან მწვრთნელმა თავიდანვე იცის, თუ რა გუნდში მიდის, რა ფეხბურთელებთან ექნება საქმე და რა სირთულეებს წააწყდება.

რატომ უხდიან კარგ მწვრთნელებს მილიონებს? თუნდაც იმიტომ, რომ ასეთები განსაკურებული შემოქმედებითი უნარებით გამოირჩევიან სხვებისგან.

და
რა არის მწვრთნელის შემოქმედება? ის, რასაც გაიოზ დარსაძის კურსებზე ვერ ისწავლი, შემოქმედებითობა ნიჭია და სხვა არაფერი.

მომდევნო კითხვაც: ჰყავს საქართველოს ეროვნულ ნაკრებს შემოქმედებითი მწვრთნელი?

საფრანგეთთან მატჩის შემდეგ გამართულ პრესკონფერენციაზე ჩვენი უპირველესი გუნდის დამრიგებელი თემურ ქეცბაია პოლემიკაში შევიდა ჟურნალისტთან და სხვათა გარდა ისიც უთხრა, "თქვენისთანა ჟურნალისტები რომ გვყავს, იმიტომ გვაქვს ასეთი სიტუაცია... რა გინდა მერე რომ გითხრა?... ბევრჯერ მოგვიგია საფრანგეთში?... ან კიდო ბევრ გუნდს მოუგია საფრანგეთში?... იმასაც ვერ აკონტროლებ..."

VideoSportall.Ge
თემურ ქეცბაიას კამათი ქართველ ჟურნალისტთან


შემოქმედი მწვრთნელები ასეთი ტონით არ საუბრობენ პრესკონფერენციაზე. მწვთნელიც ადამიანია და აქვს უფლება მდგომარეობიდან გამოვიდეს, მაგრამ პრესკონფერენცია ისეთი ღონისძიებაა, რომ მწვრთნელმა იქ მოქცევა აუცილებლად უნდა იცოდეს.

მედიასთან ურთიერთობის უნარი მწვრთნელისთვის ისეთივე აუცილებელია, როგორც კარგი ფეხბურთელების ყოლა.

ხდება ხოლმე, რომ ჟურნალისტი არასწორად სვამს კითხვას, ზედმეტად კრიტიკულია ან შეცდომას უშვებს, მწვრთნელის პროფესია კი ისეთია, რომ ამ ყველაფრისთვის მზად უნდა იყოს და ასეთი სიტუაციიდან ღირსეულად გამოსვლა მოახერხოს - ეს მხოლოდ შემოქმედი კი არა, ჩვეულებრივი მწვრთნელის მუშაობის ნაწილია.

შემოქმედი მწვრთნელი მაინც სულ სხვა არის, მან წინასწარვე იცის, როგორი მატჩი გამოვა მიუხედავად იმისა, რომ მოქმედების განვითარებასთან ერთად ყველაფერი იცვლება- რეჟისურა კი ყველა ვარიანტში თავის ადგილზე რჩება.

ნიჭიერი ადამიანი ყოველთვის თავსატეხ ამოცანას წარმოადგენს. ალბათ აქედან მოდის ქარიზმაც. ფეხბურთელებს უყვართ ასეთ მწვრთნელებთან მუშაობა. ასეთ მწვრთნელებს უხდიან მილიონებს.

შემოქმედი მწვრთნელი არ არის ჯადოქარი, ისიც იქიდან ქმნის შედეგს, რაც სინამდვილეში არსებობს, ოღონდაც რაღაც ახალს ქმნის, არსებულზე უფრო უკეთესს და თუ ამ საქმეს თავი გაართვა, წარმატებაც ხელთ აქვს.

ყველაფერი ეს ინჩი-ბინჩია და არა ფილოსოფია, ამიტომაც ძალიან ადვილია იმ კითხვაზე პასუხის გაცემა, ჰყავს თუ არა საქართველოს ნაკრებს შემოქმედებითი მწვრთნელი.

საფრანგეთთან ყველაფერი ხელის გულზე დადებულივით გამოჩნდა. ზოგი ჩვენი ფეხბურთელი, ჟურნალისტების თუ აგენტების ვარაუდით, ხვალ ლონდონის "არსენალში" მიდის, ზოგიც "ჩელსიში" და ზოგიც კიდევ ვინ იცის, სად.

საფრანგეთმა ყველა თავის ადგილზე დატოვა. ზოგი ქართველი უსუსურად ჩაიკარგა მოედანზე, მიმქრალ ვარსკვლავებს დაემსაგვნენ ის ბიჭები, ჩვენი ფეხბურთის მომავალი რომ გვეგონა.

VideoSportall.Ge
22.03.13. საფრანგეთი - საქართველო 3:1


ერთი და ორი მატჩი კლასიანმა ფეხბურთელმაც შეიძლება ჩააგდოს, მაგრამ ასეთმა მოთამაშემ, რაგინდ ცუდად ითამაშოს, ის კლასი მაინც ეტყობა, რაც საქართველოს ნაკრებში ძალიან ბევრს არ აქვს.

გრანდებთან მანამდეც გვითამაშია და წაგვიგია, ოღონდაც ასეთ მოწინააღმდეგესთან ყოველთვის ჩანდა, ვინ არის მართლა ნიჭიერი - საფრანგეთთან ასეთი ძალიან ცოტა იყო.

(იბეჭდება მცირე ცვლილებით)
ყოველდღიური სპორტული გაზეთი "ლელო"

ასევე იხილეთ:
ბოლო ჯგუფში - საქართველოს ნაკრების უსიამოვნო პერსპექტივა
მარადიული კითხვა - შედეგი თუ სანახაობა?
დროის გაყვანის ტაქტიკა - თვალსაზრისი საფრანგეთი-საქართველოს მატჩზე
ვლადიმერ გუცაევი: ამ დონეს სხვა კლასი სჭირდება
ქეცბაიას კამათი ჟურნალისტთან - ბევრჯერ მოგვიგია საფრანგეთთან? [VIDEO]
საფრანგეთი-საქართველო 3:1 - ვიყოთ რეალისტები, ეს ჩვენი მაქსიმუმია [VIDEO]
მკითხველის კომენტარები / 12 /
159-ს.ბევრი რამე შეიძლება მოთხოვო ჟურნალისტს.კი ბატონო ცოდავენ კითხვების არ დასმით,უთქმელობით ან,ნახევარ სიმართლის თქმით.მათი არაპროფესიონალიზმიც თვალში საცემია ხშირად მაგრამ,სპორტის აყვავება მოთხოვო მათ ნამეტანია.სტატისტიკურად კიდე რაში აქვს უკეთესობა წინამორბედებთან შედარებით ნაკრებს ეგ სულმცირე საკამათოა.პირველი შესარჩევი ამ მწვრთნელის ხელში,ჩვეულ ბოლოსწინა ადგილზე დავამთავრეთ.ჩვენდა სამწუხაროდ არც ამ ციკლში გველოდება უკეთესობა.ვინმე არგუმენტირებულად მომავალში რატომ უნდა ველოდოთ უკეთესობას ამიხსნის სიამოვნებით მოვუსმენ.ჩემი აზრით კი ამ ჩვენს გაახალგაზრდავებულ ნაკრების ფეხბურთელების ასაკი ისეთია რომ,დიდ პროგრესს მათ სათამაშო კლასში არ უნდა ველოდოთ და არც ვინმე ჩანს ისეთი ახლო მომავალში ნაკრების თამასში რამე წონადი გარდატეხა შეიტანოს დადებითი კუთხით.ერთადერთი ისაა დიდი ანგარიშით არ წაგვიგია ამ კაცის ხელში(სამაგიეროდ ისეთებს ვერ მოვუგეთ მაგალითად,მალტას ვისაც მანამდე ვუგებდით)ოღონდ ეს არაა ქეცბაიას დამსახურება.ესპანეთთან ან ხორვატიასთან სტუმრად რომ,წინა მწვრთნელების დროინდელი ნაკრების მეკარე მდგარიყო ისეთივე სავალალო შედეგი იქნებოდა.ნახე სტატისტიკა,დაახლოებით იმდენივე სახიფათო მომენტი იქმნება ჩვენს კარში და იმდენჯერვე ურტყამენ რამდენიც იმ ავად სახსენებელ,დიდი ანგარიშით წაგებულ მატჩებში და თუ,დღეს საშუალოზე მაღალი კლასის მეკარე გვყავს და 10 დარტყმულიდან 7-8 მოგერიებას ახერხებს ეს ნაკრების თავკაცის დამსახურება ნამდვილად არ მგონია.აი ქეცბაიას ხელფასი რომ სახელმწიფო საიდუმლოებაა ეს ძალიან ცუდია.ამის გასაჯაროება უნდა მოითხოვოს ჟურნალისტთა კორპუსმა დაჟინებით,პრინციპულად! და ამის შემდეგ დაისვას უნდა კითხვა იქნებ ამ საკმაოდ დიდი თანხის ფეხბურთის განვითარებაში უფრო ქმედითად გამოყენება შეიძებოდეს ვიდრე იმ ნაკრების მწვრთნელის ხელფასში რომლის,უკეთესი შედეგის იმედი მისი არაერთი ნათქვამიდან გამომდინარე არც უნდა გვქონდეს.
daviti
00:38 01-04-2013
0
ლელოს მაგრად არ ევასება ქეცბაია! რომ ამბობთ მწვრთნელმა წინასწარ იცის როგორ გუნდშიც მიდისო, მაგით რისი თქმა გინდათ? არ უნდა მოსულიყო ქეცბაია? სანამ მოვიდოდა გავიხსენოთ ის პერიოდი, ყველა მაგას გაიძახდა რატომ არ მოდის საქართველოს ნაკრებში სამუშაოდო და ხვეწნა მუდარით რომ მოვიყვანეთ ეს კაცი აღარ გახსოვთ? რახან წინასწარ იცის მწვრთნელმა რომ საქართველოს ნაკრებში არ არიან მაღალი დონის ვარსკვლავები, ამიტომ არავინ არ უნდა გაწვრთნას ? თქვენი სტატიებით ერთი რამეს ვხვდები რომ უბრალოდ ქეცბაია არ გევასებათ და ჩასაფრებულები ხართ ყოველ წაგებულ თამაშზე. ერთი მითხარით, რა უნდა ქნას უკრაინის და რუსეთის მეორე ხარისხოვან გუნდებში მოთამაშეებმა, ისეთ ფეხბურთელებთან რომლებიც ყოველ წელს ჩემპიონთა ლიგის მინიმუმ 1/8 ფინალებში თამაშობენ.მე არ ვამბობ რომ გავამართლოთ მეთქი მარა არც ამდენი დაწვრილმანება ვარგა,ამდენი კრიტიკა კარგად არ მოქმედებს,პირიქით უფრო ზიანს ვაყენებთ ნაკრებს,რაც მახსოვს სულ კრიტიკაშია საქართველოს ნაკრები და რას მივაღწიეთ ამდენი კრიტიკით,მარტო იმას რომ,ბევრ კარგ ფეხბურთელს ან მწვრთნელ დავატოვებინეთ ნაკრები.ყიფიანი იყო ვაკრიტიკეთ ჩივაძე იყო ვაკრიტიკეთ,ამათზე მეტი შემოქმედი არც ყოლია ნაკრებს.ესპანეთმა ფინეთს ვერ მოუგო და არავის ხმა არ ამოუღია,დელბოსკემ რაც შეგვეძლო გავაკეთეთო.
ილია
00:45 01-04-2013
0

სიახლეები პოპულარული