კვიპროსის ქალაქ ლარნაკაში "ანორთოსისის" ლეგენდების მატჩი გაიმართა ფუტსალში, რომელშიც სხვებთან ერთად მონაწილეობა საქართველოს ნაკრების თავკაცმა თემურ ქეცბაიამ მიიღო. შეგახსენებთ, ქეცბაიამ ჯერ ფეხბურთელობისას, შემდეგ კი მწვრთნელობით, წარუშლელი კვალი დატოვა ამ კვიპროსული კლუბის ისტორიაში.
ქეცბაიას გამოჩენამ დარბაზში 14-ნომრიანი მაისურით დიდი აჟიოტაჟი გამოიწვია, დარბაზი ლამის ჩამოინგრა, ხოლო "ანორთოსისის" ფანებმა გადმოკიდეს ბანერი წარწერით: "დარჩი ჩვენთან სამუდამოდ, ეჰ, ქეცბაია".
