გოგიტა გოგუა ეროვნულ ნაკრებთან ერთად ავსტრიულ შეკრებაზეა. ქვეყნის მთავარ გუნდში ის ოთხწლიანი პაუზის შემდეგ დაბრუნდა. კახა ცხადაძემ 31 წლის ნახევარმცველი უკრაინა-პოლონეთთან გასამართავი სანაკრებო შეხვედრებისთვის გამოიძახა, რამაც გოგუა ძლიერ გაახარა."დასანანია, როცა 4 წელიწადს კარგავ და ნაკრებში თამაშის საშუალებას გართმევენ, მაგრამ ველოდებოდი ამ დღეს, როცა გამომიძახებდნენ და ეს შანსი ახლა მომეცა.
მიხარია, კახა ცხადაძე რომ მენდობა და ჩემი ჯერ კიდევ სჯერა. რაც შემიძლია, ყველაფერს გავაკეთებ, ნდობა რომ გავამართლო და საქართველოს ნაკრებს გამოვადგე", - გვითხრა გოგუამ.
შეგახსენებთ, რომ 31 წლის გოგუას ეროვნული
გოგუას არც არგენტინელი ექტორ კუპერი იძახებდა, თემურ ქეცბაიამ კი 2010 წლის 3 მარტს ესტონეთთან ამხანაგური მატჩისთვის გამოიძახა და პლეიმეიკერის პოზიციაზე ათამაშა.
მაგრამ 2011 წლის 27 მარტს, ხორვატიასთან მოგებული მატჩის მეორე დღეს, "დინამო არენაზე" გამართული ვარჯიშისას გოგუასა და ქეცბაიას შორის სიტყვიერი დაპირისპირება მოხდა (როგორც ამბობენ, ფეხბურთელმა მწვრთნელისგან ლანძღვა-გინება ვერ აიტანა). ამის შემდეგ გოგუამ შეკრება დატოვა და მას შემდეგ "ჯვაროსნების" ფორმით აღარ უთამაშია...
რაც შეეხება მის საკლუბო კარიერას, როგორც ვწერდით, კახა ალადაშვილთან ერთად ის ხაბაროვსკის "სკა ენერგიიდან" მოდის, თუმცა სად გააგრძელებს თამაშს, ეს ჯერჯერობით უცნობია.
ყოველდღიური სპორტული გაზეთი "ლელო"
