საქართველოს ეროვნული ნაკრების მიერ ვარშავაში განცდილი მარცხის შეფასება ვთხოვეთ თბილისის "დინამოს" ლეგენდას, ნაკრების ყოფილ დამრიგებელ ვლადიმერ გუცაევს:- პირველ ტაიმში საქართველოს ნაკრები ცუდად არ გამოიყურებოდა.
ერთი აუცილებლად უნდა ვთქვა: ხუთმცველიან ტაქტიკას, რომლითაც ნაკრებმა ითამაშა, სჭირდება ძალიან სწრაფი წინახაზელები, რისი დეფიციტიც არის დღეს საქართველოს ნაკრებში. ოქრიაშვილი, ანანიძე, კობახიძე - ამ ფეხბურთელების მთავარი კოზირი სისწრაფე არ არის.
მათე ვაწაძე ძალიან კარგი ფორვარდია, მომწონს მისი თამაში, მაგრამ არც ის არის სწრაფი.
დავაკვირდეთ, რა ტენდენციაა დღეს მსოფლიო ფეხბურთში. ასეთ
ეს ციკლი ჩავარდნილია და ამას აღარაფერი ეშველება, მაგრამ, თუნდაც, მომავალი შესარჩევისთვის მოსაძებნია ახალი ფეხბურთელები.
- თქვენი აზრით, რა მოხდა ბოლო წუთებზე?
- მომხდარს მე ფსიქოლოგიური მომენტით ავხსნი. ერთი ბურთით ვაგებდით, იყო ქულის აღების შანსი და გავიხსენით. პოლონელებს ძალიან სწრაფი, უმაღლესი დონის ფორვარდები ჰყავთ - ლევანდოვსკი თავისთავად და მილიკიც ძალიან მაგარია. ჭკუით თამაშობს.
- გვაქვს კი იმის რესურსი, რომ საქართველოს ნაკრებში ახალი ფეხბურთელები გამოჩდნენ?
- ძალიან მომწონს თბილისის "დინამოს" მარჯვენა მცველი ოთარ კაკაბაძე, ასევე - გიორგი პაპუნაშვილი. მახარებს ის, რომ ნაკრებში ჩაეწერა ვაკო ყაზაიშვილი. მან იცის ფეხბურთი, პასი, ბურთის გაჩერება...
- რას უნდა დავაბრალოთ ჩვენი მოთამაშეების ბევრი ზედმეტი მოძრაობა?
- ზედმეტი მოძრაობები არის იქ, სადაც არის სათამაშო კლასის ნაკლებობა. სადაც გადაწყვეტილება მისაღებია წამის მეასედში, იქ ჩვენ საამისოდ წამის მეათედს ვხარჯავთ.
კახა ცხადაძეს დრო სჭირდება. ის "ფოკუსს" ვერ ჩაატარებს და არც ჯადოსნური ჯოხი აქვს, რომ ერთი აიქნიოს და გუნდი გააკეთოს.
ყოველდღიური სპორტული გაზეთი "ლელო"
