26 იანვარს გამართული სფფ-ის აღმასკომის სხდომის შემდეგ კომენტარი თბილისის "დინამოს" პრეზიდენტმა რომან ფიფიამ გააკეთა:- სამწუხაროა, რომ ეროვნული ნაკრების მთავარი მწვრთნელის საკითხი აქამდე მივიდა. ეს ძალიან ფაქიზი თემაა.
აღმასკომმა ამ საკითხზე იმსჯელა. ჩვენი საერთო სურვილია, რომ ლევან კობიაშვილი და კახა ცხადაძე ერთმანეთს შეხვდნენ და კონტრაქტი ურთიერთშეთანხმების საფუძველზე შეწყვიტონ. ამაზე დიდხანს ვმსჯელობდით.
რაც შეეხება გია გეგუჩაძის საკითხს, მან ახალგაზრდული ნაკრები ჩაიბარა და ჭორები, თითქოს, ის ცხადაძეს შეცვლიდა, არ გამართლდა.
ეს ჩვენთვის ორი კვირის წინ გახდა ცნობილი, როცა ფედერაციამ მისი ახალგაზრდულ ნაკრებში
- ეროვნულ ნაკრებს ვინ გაწვრთნის?
- ჯერ არც ერთი პიროვნება არ დასახელებულა.
- ცხადაძის გათავისუფლებაზე აღმასკომის ყველა წევრი თანახმა იყო?
- ნაკრების მწვრთნელის გათავისუფლებაზე გადაწყვეტილებას აღმასკომი ვერ მიიღებდა. ჩვენ ვიმსჯელეთ და პრეზიდენტის მოსაზრება გავითვალისწინეთ.
(იბეჭდება მცირე ცვლილებით)
ყოველდღიური სპორტული გაზეთი "ლელო"
