საქართველოს ფეხბურთის ფედერაციის ოფიციალური საიტი ნაკრების მთავარი მწვრთნელის, ვლადიმირ ვაისის ვრცელ კომენტარს აკეთებს, რომელიც სლოვაკმა სპეციალისტმა 7 ივნისს, ესპანეთში, ევროპის ჩემპიონებთან ამხანაგურ მატჩში მოპოვებული გამარჯების შემდეგ გააკეთა.ხეტაფეში ჩატარებულ შეხვედრაში საქართველოს ნაკრებმა ესპანეთის ეროვნულ გუნდს მინიმალური ანგარიშით, 1:0 მოუგო.
ესპანეთი-საქართველო 0:1 - სიზმარი თუ ცხადი? [VIDEO]
"ეს მოგება სჭირდებოდა საქართველოს ნაკრებს ბოლო წარუმატებელი ორი თამაშის შემდეგ. მადლობა ბიჭებს კარგი ტაქტიკური თამაშისთვის, თავდადებისთვის.
ითამაშო მსოფლიოსა და ევროპის ჩემპიონის წინააღმდეგ, ეს არცთუ ისე ადვილია... ჩვენ დავიმსახურეთ გამარჯვება ტაქტიკური თამაშით, თავდადებით და ძალიან
ეს ისტორიული მოგებაა. ესპანელებს გენიალური ფეხბურთელები ჰყავთ. ინიესტა წარმოუდგენელი მოთამაშეა, თუმცა საუკეთესო გუნდია ის, რომელიც იგებს და დღეს ეს ვიყავით ჩვენ, რადგან ჩვენ გავიტანეთ გამარჯვების გოლი.
ეს ძალიან სასიხარულოა, რადგან ესპანეთთან სამი ქულის აღება ყველას არ გამოსდის. არ მახსოვს, ესპანეთმა შინ როდის წააგო და ეს არის დიდი წარმატება და ბედნიერება ბიჭებისთვის, ფედერაციისთვის, ყველასთვის, ვინც მუშაობს გუნდთან და სრულიად საფეხბურთო სამყაროსთვის.
ვულოცავ ყველას. დღეს ვზეიმობთ, მაგრამ ხვალ იწყება ახალი ცხოვრება. ცოტას შევისვენებთ და შემდეგ გავემგზავრები საფრანგეთში, სადაც დავაკვირდები კონკურენტებს, რომლებსაც მსოფლიო ჩემპიონატის საკვალიფიკაციო ეტაპზე დავუპირისპირდებით", - განაცხადა ვაისმა.
მომზადებულია gff.ge-ს მიხედვით
