საქართველოსთან მატჩისთვის უელსის გაფართოებული შემადგენლობა ცნობილია

უელსის ნაკრების მთავარმა მწვრთნელმა კრის კოულმენმა 2018 წლის მსოფლიოს ჩემპიონატის საკვალიფიკაციო ეტაპის უახლოესი ორი მატჩისთვის გუნდის 23-კაციანი გაფართოებული შემადგენლობა დაასახელა.

შეგახსენებთ, რომ 9 ოქტომბერს კარდიფში, მსოფლიოს ჩემპიონატის მატჩში უელსი საქართველოს ნაკრებს დაუპირისპირდება.

ახალი სახეები უელსის გაფართოებულ შემადგენლობაში არ არის, მაგრამ აღსანიშნავია, რომ ტრავმის გამო ვალიელებს ლონდონის "არსენალის" 25 წლის ნახევარმცველი აარონ რემსი დააკლდებათ.

ვალიელთა გაფართოებული შემადგენლობა შემდეგნაირად გამოიყურება:

მეკარეები: უეინ ჰენესი ("კრისტალ პალასი", ინგლისი), დანიელ უორდი ("ჰადერსფილდი", ინგლისი), ოუეინ უილიამსი ("ინვერნესი", შოტლანდია);
მცველები: ბენ დევისი ("ტოტენჰემი", ინგლისი), ჯეიმს ჩესტერი ("ასტონ ვილა", ინგლისი), ჯეიმს კოლინზი ("ვესტ ჰემი", ინგლისი), პოლ დამეტი ("ნიუკასლი", ინგლისი), კრის განტერი ("რედინგი", ინგლისი), ეშლი რიჩარდსი ("კარდიფი", ინგლისი), ნილ ტეილორი ("სუონსი", ინგლისი), ეშლი უილიამსი ("ევერტონი", ინგლისი);
ნახევარმცველები: ჯო ალენი ("სტოკი", ინგლისი), დევიდ ედვარდსი ("ვულვზი", ინგლისი), ემირ ჰაუსი ("კარდიფი", ინგლისი), ენდი კინგი ("ლესტერი", ინგლისი), ტომ ლოურენსი ("იფსვიჩი", ინგლისი), ჯო ლედლი ("კრისტალ პალასი", ინგლისი), შონ მაკდონალდი ("უიგანი", ინგლისი);
თავდამსხმელები: საიმონ ჩერჩი ("როდა", ჰოლანდია), დევიდ კოტერილი ("ბირმინგემი", ინგლისი), ჰალ რობსონ-კანუ ("ვესტ ბრომვიჩი", ინგლისი), სემ ვოუკსი ("ბერნლი", ინგლისი), გარეთ ბეილი ("რეალი", ესპანეთი).