სტადიონ "კარდიფ სიტიზე" მასპინძლებმა გატანა უკვე მე-10 წუთზე, კუთხურის მოწოდების შემდეგ შეძლეს - გიორგი ლორიას კარში ბურთი თავით გარეთ ბეილმა გადაგზავნა.
გაშვებული გოლის შემდეგ ქართველმა ფეხბურთელებმა სცადეს მდგომარეობის გამოსწორება. შესვენებამდე ყველაზე დასამახსოვრებელი ეპიზოდი კი 34-ე წუთზე, ჯანო ანანიძის მიერ შესრულებული საჯარიმო დარტყმა იყო - ბურთი ეულსელთა კარის ხარიხას მოხვდა.
მეორე ტაიმში ქართველი ფეხბურთელების შესანიშნავ კომბინაციას გოლი მოჰყვა. 57-ე წუთზე ანანიძემ შეტევის მარცხენა ფრთაზე ბურთი ვაკო ყაზაიშვილს გადააწოდა, რომელმაც უელსელთა საჯარიმოში ჩაჰკიდა. უმეთვალურეოდ დარჩენილმა თორნიკე ოქრიაშვილმა კი თავით ახლო მანძილიდან გაიტანა.
საქართველოს ნაკრებს მოგებაც შეეძლო. გატანის კარგი შანსი ლევან მჭედლიძემ ვერ გამოიყენა, ყაზაიშვილის დარტყმის შემდეგ კი ბურთი უელსელთა კარის ხარიხას მოხვდა.
ამრიგად, ვლადიმირ ვაისის გუნდმა მიმდინარე შესარჩევში პირველი ქულა მოიპოვა, მომდევნო მატჩს კი 12 ნოემბერს თბილისში, მოლდოვის ნაკრებთან ჩაატარებს. დღესვე ჩვენს ჯგუფში მოგვიანებით გაიმართება სერბეთი-ავსტრიისა და მოლდოვა-ირლანდიის შეხვედრები.
საქართველოს ნაკრებმა მატჩი ამ შემადგენლობით ჩაატარა: გიორგი ლორია, ოთარ კაკაბაძე, საბა კვირკველია, გურამ კაშია (კ), გიორგი ნავალოვსკი, ვაკო გვილია, ბუბა დაუშვილი, ვაკო ყაზაიშვილი, თორნიკე ოქრიაშვილი (90, ჯაბა ჯიღაური), ჯანო ანანიძე (90, ნიკა კაჭარავა), ლევან მჭედლიძე (75, ლადო დვალიშვილი).
სამწუხაროდ
გამტანი ფორვარდის არსებობის აუცილებლობა მოკლეს ქართულ ფეხბურთში ,ქეცბაიას მსგავსი მარტივი ტვინის მქონე მწვრთნელებმა. უვიცობა და გაუნათლებლობა გვღუპავს ქართველებს, ჩვენთვის უკუღმართი, ე.წ. "სწორი ფეხბურთის" თამაში გადავწყვიტეთ, რაც ჩვენი ვერანაირად ვერ იქნება (ზუსტად იმ ავადსახსენებელი მენტალიტეტის გამო) და სასაცილოდ გმოვიყურებით...
ბავშვებს ბურთის თრევა ავუკრძალედ, არადა როგორ გვაკლია დღეს ასეთი ფეხბურთელი... ძირფესვიანად უნდა ამოვძირკვოდ მსგავსი მწვრთნელები, პირველ ყოვლისა, ბავშვთა ფეხბურთიდან...