როგორც შევიტყვეთ, საქართველოს ეროვნული ნაკრების მთავარმა მწვრთნელმა ვლადიმირ ვაისმა მოახლოებული ორი ამხანაგური მატჩისთვის "სამტრედიას" აწ უკვე ყოფილი ფორვარდი ბუდუ ზივზივაძეც იხმო.შეგახსენებთ, რომ 13 გატანილი გოლით ზივზივაძე გარდამავალი საფეხბურთო ჩემპიონატის საუკეთესო ბომბარდირი გახდა. გარდა ამისა, ის ჩემპიონატის საუკეთესო ფეხბურთელადაც დასახელდა. ზივზივაძეს ეროვნული ნაკრების მაისური აქამდე არასდროს მოურგია.
საქართველოს ეროვნული ნაკრები იანვარში, დუბაიში ორ ამხანაგურ მატჩს გამართავს. 23 იანვარს ჩვენი ნაკრები უზბეკეთის, ხოლო 25-ში იორდანიის ნაკრებს დაუპირისპირდება.
