მიშელ პლატინიმ სფფ-ს უეფას ფუტსალის თასის ფინალური ეტაპის ჩატარებისათვის მადლობა გადაუხადა7 მაისს საქართველოს ფეხბურთის ფედერაციის პრეზიდენტს, ზვიად სიჭინავას უეფას პრეზიდენტმა მიშელ პლატინიმ 26-28 აპრილს თბილისში გამართული უეფას ფუტსალის თასის ფინალური ეტაპის უმაღლეს დონეზე ჩატარებისათვის მადლობის სპეციალური წერილი გამოუგზავნა.
წერილში აღნიშნულია, რომ საქართველოს ფეხბურთის ფედერაციას პირველად მიეცა შესაძლებლობა მსგავსი რანგის ტურნირის მასპინძლობისა და ქართულმა მხარემ სრულად უზრუნველყო აღნიშნული ღონისძიების ჩატარებისათვის უეფას მიერ დადგენილი მოთხოვნების შესრულება.
სასიამოვნო მოულოდნელობად იქცა თბილისში, უეფას ფუტსალის თასის ფინალური ეტაპის მიმდინარეობისას მოხსნილი რეკორდიც - ოთხივე მატჩს
წერილში ხაზი გაესვა იმ პერსონალურ ღვაწლს, რომელიც სფფ-ის საორგანიზაციო კომიტეტის თითოეულმა წევრმა ტურნირის ორგანიზებისათვის გასწია.
უეფას პრეზიდენტმა განსაკუთრებული მადლობა გადაუხადა ტურნირის დირექტორს - დიმიტრი ბოკერიას, რომელმაც მთელ საორგანიზაციო გუნდთან ერთად ღირსეულად წარმართა უეფას ფუტსალის თასის ფინალური ეტაპი და ყველაფერი გააკეთა ტურნირის უმაღლეს დონეზე ჩასატარებლად.
უეფას პრეზიდენტის ოფიციალურ წერილში ხაზგასმულია ის მეგობრული თანამშრომლობა და მასპინძლობაც, რომელიც სფფ-მ უეფას წარმომადგენლებს ტურნირის მიმდინარეობისას გაუწია.
ჩვენის მხრივ კი გვსურს დავამატოთ, რომ საქართველოს ფეხბურთის ფედერაციისათვის უეფას ფუტსალის თასის ფინალური ეტაპის მასპინძლობა უდიდესი გამოცდილება იყო. ჩვენთვის ძალზე მნიშვნელოვანია იმ ნდობის გამართლება, რასაც უეფა სფფ-ს უცხადებს. თითოეული ასეთი რანგის ღონისძიება ჩვენთვის მნიშვნელოვანი წინ გადადგმული ნაბიჯია, რათა გავიღრმავოთ ცოდნა და შევიძინოთ გამოცდილება ჩვენს ქვეყანაში კიდევ უფრო დიდი და მასშტაბური ღონისძიებების ორგანიზებისათვის.
სფფ-ის პრესსამსახური
ასევე იხილეთ:
კვირის 1000 წვრილმანი: წითელი ხაზები
რევაზ არველაძე: მიშელ პლატინი საქართველოდან უზომოდ კმაყოფილი წავიდა
საქართველოში UEFA-ს პრეზიდენტი მიშელ პლატინი ჩამოვიდა
ზვიად სიჭინავა: გადადგნენ ბლატერი და პლატინი და მეც გადავდგები!
