ბოლო დღეებია, ქართულ ფეხბურთს უბედურების ტალღამ გადაუარა. ჯერ იყო, "ზესტაფონის" პრეზიდენტმა ილია კოკაიამ ადგილობრივ მუნიციპალიტეტს კლუბის 100%-იანი წილის გადაცემასთან დაკავშირებით წერილით მიმართა.15 მაისს კი "იბერია სტარის" სპორტულმა დირექტორმა გიორგი დარჯანიამ სპორტული მედიისთვის საგანგებო განცხადება გააკეთა, რომელსაც უცვლელად გთავაზობთ.
"ახლახან თბილისში ჩატარდა ფუტსალის ჩემპიონთა ლიგის ფინალი, რომელიც გახსნა უეფას პრეზიდენტმა მიშელ პლატინიმ. "იბერია სტარი" ევროპაში მეოთხე ადგილს დასჯერდა.
ელიტრაუნდის შემდეგ, რომელშიც "იბერიამ" დაამარცხა ჩემპიონთა ლიგის 2010 წლის გამარჯვებული "ბენფიკა" და იტალიის ჩემპიონი "ლუპარენსე" (შეგახსენებთ, იტალიის ჩემპიონმა 2011 წელს მოიგო ჩემპიონთა
თბილისში ჩატარებულმა ჩემპიონთა ლიგის ფინალმა და მისმა შედეგმა - ალმაატის "კაირათის" გამარჯვებამ - გვაჩვენა, რომ სათანადო დაფინანსებისა და მხარდაჭერის პირობებში საქართველოს ჩემპიონს რეალურად შეუძლია ჩემპიონთა ლიგის მოგება და 1981 წლის 13 მაისის სიხარულის გამეორება. ამის დადასტურებაა ის ფაქტიც, რომ "იბერია სტარი" წლების განმავლობაში ამარცხებდა ევროპის უმდიდრეს კლუბებს.
სამწუხაროდ, ფინანსური კრიზისის გამო "იბერიამ" ვერ მოახერხა გუნდის ძირითადი ბირთვის შენარჩუნება და ოთხთა ფინალში "იბერია სტარი" მეორე შემადგენლობით წარსდგა. ამავე მიზეზის გამო "იბერია სტარს" არ შეუძლია შემდგომში დამოუკიდებლად არსებობა.
11 წლის მანძილზე კლუბი არსებობდა მხოლოდ დამფუძნებლის ფინანსური დახმარების ხარჯზე. შედარებისთვის: მოსკოვის "დინამოს" 15 კომპანია ასპონსორებს, "კაირათს" - 13. არათუ ოთხთა ფინალის, ლიგის ელიტრაუნდის მონაწილე არც ერთ გუნდს 10 სპონსორზე ნაკლები არ ჰყავს.
ერთადერთი გამონაკლისი, სამწუხაროდ, "იბერია სტარია".
1 ივნისს იწურება საბოლოო ვადა, როდესაც საქართველოს ჩემპიონმა "იბერია სტარმა" უეფაში უნდა წარადგინოს განაცხადი ჩემპიონთა ლიგის მომდევნო სეზონში მონაწილეობაზე.
იმ შემთხვევაში, თუკი ქართველი ბიზნესმენები, ფეხბურთის უმაღლესი ლიგის კლუბები ან მუნიციპალიტეტი უახლოესი დღეების განმავლობაში არ დაინტერესდებიან დამოუკიდებელი ქართულის სპორტის ისტორიაში საუკეთესო ქართული კლუბის სპონსორობით და არ გაუჩნდებათ სურვილი, რომ ქართული დროშა ევროპული სპორტის ფლაგმანთა შორის ფრიალებდეს, კლუბი გამოცხადდება გაკოტრებულად და შეწყვეტს არსებობას".
ასევე იხილეთ:
ბრაზილიელი ბოშა ჟოანი: თბილისი კარგად დამებედა
"კაირათი" ფუტსალის თასის მფლობელი გახდა
"იბერია სტარი" "ბარსელონასთან" დამარცხდა
იბერია სტარი-დინამო 2:5 - შეგვეძლო თუ არა მეტი?
"იბერია სტარმა" გუნდიდან ორი ბრაზილიელი - დუდა და ეზეკილი გაუშვა
