სპორტკომპლექს "არენაში" საქართველოს ფუტსალის ასოციაციის ტრაგიკულად დაღუპული ვიცე-პრეზიდენტის, დევი სირაძის მემორიალის წილისყრა გაიმართა. ტურნირს საქართველოს ფუტსალის ასოციაცია ატარებს. ორგანიზატორების თქმით, გათამაშება ყოველწლიური გახდება. ტურნირი 12 თებერვალს, სპორტკომპლექს "არენა 2"-ში, "სპარტაკისა" და საქართველოს ეროვნული უნივერსიტეტის მატჩით გაიხსნება, ხოლო ფინალი 22 თებერვალს, დევი სირაძის გარდაცვალების დღეს გაიმართება.
კიდევ ერთი ამბავი - 4 თებერვალს სფა-ს პრეზიდენტი ვახტანგ წერეთელი და ვიცე-პრეზიდენტი ზვიად ხაჩიაშვილი უეფას მიწვევით ბელგიაში მიმდინარე ევროპის ჩემპიონატზე გაემგზავრნენ. ისინი უეფას წარმომადგენლებსა და რამდენიმე ქვეყნის ფუტსალის ასოციაციების პრეზიდენტს შეხვდნენ და პროექტი გააცნეს -
ცხადია, ეს ქვეყნისთვის უმნიშვნელოვანესი სპორტული მოვლენა იქნება. სწორედ წერეთლის დამსახურებაა, 2013 წლის აპრილში თბილისმა ფუტსალში უეფას თასის ოთხთა ფინალს რომ უმასპინძლა. იმედია, ეს ჩანაფიქრიც ახდება.
ყოველდღიური სპორტული გაზეთი "ლელო"
