თემურ ქეცბაიას ხელმძღვანელობით, "ორენბურგმა" სერბულ შეკრებაზე მესამე საკონტროლო შეხვედრა ჩაატარა და პირველი მარცხი იწვნია.27 ივნისს, რუსეთის პირველი ლიგის გუნდი ადგილობრივ "ვოჟდოვაცს" დაუპირისპირდა და ანგარიშით 0:3 დამარცხდა. მანამდე ქეცბაიას შეგირდებმა სერბულ "რადთან" მოიგეს (3:0), სამარის "კრილია სოვეტოვთან" კი ფრედ (0:0) ითამაშეს. "ორენბურგის" არცერთ სპარინგში არ მიუღია მონაწილეობა გუნდის ქართველ თავდამსხმელ ელგუჯა ლობჯანიძეს.
"ორენბურგს" წინ რუსეთის პირველი ლიგა აქვს. ქეცბაიას გუნდი ჩემპიონატის სასტარტო მატჩს 8 ივლისს, შინ "ტამბოვთან" ჩაატარებს.
