ვლადიკავკაზის "ალანიას" ახალგაზრდა ქართველმა ფეხბურთელმა გიორგი ჭანტურიამ კლუბის ოფიციალურ ვებ-გვერდთან ინტერვიუში განაცხადა, რომ მისი გუნდი პრემიერლიგაში დარჩენისთვის ბოლომდე იბრძოლებს.- გულშემატკივრები ძალიან დიდი ხანი ელოდნენ შენს მოედანზე გამოჩენას. როგორ შეაფასებდი საკუთარ თამაშს?
- დიახ, დიდი ხანი არ მითამაშია და როცა ამის შანსი მომეცა, მინდოდა მომეგო და ამისთვის ყველაფერს ვაკეთებდი (ალანია-კრასნოდარი 2:3). კარგი შანსი გვქონდა, მაგრამ წავაგეთ.
- რატომ არ გამოვიდა "კრასნოდართან" მატჩის ბედის შემოტრიალება?
- ვფიქრობ, "კრასნოდარს", უბრალოდ, გაუმართლა. არბიტრებზე არასდროს ვლაპარაკობ, თუმცა ყველამ დაინახა, რაც ხდებოდა მოედანზე. ბოლო წუთებზე
ავიღე ბურთი და მინდოდა, საჯარიმო შემესრულებინა, რადგან დარწმუნებული ვიყავი, რომ ჩემზე დაარღვიეს თამაშის წესები.
გაოგნებული ვიყავი, როცა არბიტრის აზრით, თურმე მე დავარღვიე წესები და კიდევ ყვითელიც მივიღე! არასდროს მინახავს მსგავსი რამ.
- გესმოდა, როგორ სკანდირებდნენ ტრიბუნები შენს გვარს?
- რა თქმა უნდა, მადლობა გულშემატკივარს მხარდაჭერისთვის, მაგრამ გუნდმა წააგო და ამის გამო თავს ცუდად ვგრძნობ.
- ახლა სიტუაცია უფრო კრიტიკული გახდა. რა უნდა გაკეთდეს, რომ გუნდმა ბრძოლა არ მიატოვოს?
- ჯერ დაკარგული არაფერია. ახლა ყოველ ვარჯიშზე, ყოველ მატჩზე უნდა გამოვიდეთ და ბოლომდე დავიხარჯოთ.
თითოეული მატჩი მნიშვნელოვანია. ამიტომ მათ კარგად მომზადებულები უნდა შევხვდეთ.
ასევე იხილეთ:
არნემის "ვიტესმა" გიორგი ჭანტურია ვლადიკავკაზის "ალანიას" არ დაუთმო
გიორგი ჭანტურია: სერია A-ში დაუფიქრებლად გადავიდოდი
გიორგი ჭანტურიას სერია A-ში თამაშის ვარიანტი გამოუჩნდა
გიორგი ჭანტურია: ყველაფერს ვიზამ იმისთვის, რომ "ვიტესში" აღარ დავბრუნდე!
გიორგი ჭანტურია: ყველაფერი ვლადიმერ გუცაევმა გამიკეთა
გიორგი ჭანტურია: საქართველოს ნაკრებს კარგი მწვრთნელი სჭირდება! [VIDEO]
"გამოჩნდა ბარსელონური ტექნიკა" - გიორგი ჭანტურია გაზაევსაც მოსწონს [VIDEO]
გიორგი ჭანტურია: "ბარსელონაში" დარჩენას მთავაზობდნენ, მაგრამ არ ვისურვე
